يومياتي وانا في بطن اميمتي؟؟؟ [الأرشيف]

ابومشعان

03-04-2007, 01:02 AM

هذي قصتي وانا في كرشة اميمتي:

تحديدا ً يوم دخل الشهر السااابع وانا في بطن أميمتي !! كل الشهور اللي راحت وانا متحمل .. انام على جريش .. واقوم على عسكريم منجا .. واحيانا ًمرقوق ,, وللأمانة ( نادرا ً ) كراث !!!<<<<< مايبي يعترف ان امه قصمنجيه ههههه

آآآآه مأسااااة .. ولكن :

من يوم دخل الشهر السابع .. وانا النظااام متغير علي !!! الله يهديها امي .. ماغير تاكل رز هندي !! قسم بالله احترررقت ما غير اصااايح في بطنها يوم تأزززم الوضع مره .. دقيت على صديقي "لوسيفر" في بطن امه ..

هلا لوسيفر؟؟ بشر وش تاكل امك ؟؟

قال : لا ابشرررك الأوضاااع مايحتااج .. انواع التبولة .. والعصيرات ..

قلت .. ياخت ياحظظظظك !!! نتبادل اسبوع بس !!

قال : ليه ؟؟ وش الوضع عندك !!؟

قلت .. خليها على ربك ياشيخ .. والله ماغير ارااافس .. انواع الحرااارة .. احس اني ابحترق ياشيخ

ومرت الأيام .. وانا ماغير ادعي بتالي الليل : اللهم اغثنااا .. اللهم اغثنااااا

وانا ادعي .. كني سمعت امي تقول لأخوي الكبير "في صمتي كلام" ,, اطلب ماك سبايسي آآآه ياويل قلبي بس

بصراحه بيني وبينكم .. شهر سبعه كان أصعب وأقسى شهر عشته في حياااتي يعني اقدر اسميه " شهر الجفاف " حررر ورطوبة .. وعطشششش .. وقلّ نوم ..!!!

يوم دخل شهر ثمانية .. بدت تخف الحراااره .. وتزول الحرااائق !! ويرحل العطش .. ويندثر الجفاف <<-- مقدررر يالزين !! اللي يبي مدرس لغة عربية , يدق على جوالي خخخخخخ

المهم شهر ثمانية .. ماااش النفسيه كانت مش ولابد !!! مزززكم وحالتي صعععبه ..!! والانفلونزا لعبت فيني لعب !!

بس الحمد لله الدكتور معطيني اجاازة مرضيه .. يعني اغيب على كيفي !!!

بس مع هذا وذااااك .. امي ماااسكة معها غلططط !!! ماغير تاكل عسكريم .. المشكله العسكريم اللي تاكله بارد << لاياشيخ

عااد ليت العسكريم ,, باسكن !!! كان زييين !!! ما تاكل امي الا عسكريم اللي ينرعص من تحت !!! هذاك اللي بـ نص ريال ّتهي تهي

وانا مزززكم .. ماغير اناااشق .. وكل مايدخل العسكريم عندي , اسكررر خشمي بيدي .. كني أبطب في مسبح
وادق على واحد من الشباب في الرياض ,, قلت هاه بشر ؟؟ كيف الأجواء عندكـ ؟

قال ... لا ابشرك الحمد لله ,, العظمى خمسن واربعون , والصغرى ثلاااثااا عشرااا !!

قلت زييين ماشاء الله .. اسمع الله لا يهينك ,,, انا هالشهر مشتهي بيض وميرندا حااار اذا جاااك ,, تكفى ارسلي وساائط

مرت الأيام .. ودخل الشهر التاااسع واقترررب الفرج .. وارسلت لأمي مسج , كان مفاااده , ما يلي :

أميمتي الغاليه :

هذا آخر شهر !! الله يرحم والديك .. ودي احس اني انساان .. ابي آكل بعيدا ً عن الحرائق .. وبعيدا ً عن المثلجات !! يعني حاولي تجربين لو لمجرد التجربه .. تبولة .. حمص .. كبة .. بطيخ .. جربي ولن تندمي !!

أمي : هل تلبين رغبتي ؟؟

المخلص :

ولك القمر لزوز <<<< كثر منها كككككككك

يوم كتبت المسج ,, وضغطت على " ارسال " طلع لي : تأكد من خدمات الشبكة

دريت ان الجوال مفصول

وجاني مسج : (( عزيزي العميل .. والله لو تنااقز منااقززز .. ما فتحنا جوالك<< نذل صاحب الاتصالات

باءت محاولاتي بالفشل !!! وجلست انتظر .. وانتظر .. وانتظر .. لين ملّ الإنتظااار << اممممش .. ببطن امه ورومنسيه

والحمد لله .. واطلع للدنيا .. وانا عطشااان .. ويحطوني في غرفة الحضانه !! يوووه انواع المبزرة !!!!!

وكلهم يصااايحون .. !!! قسم بالله انوااااع الإزعااااج .. والضجيج !!!

وجنبي بالحضانة.. فلبينيه .. ياهي مززعجه .. واناظرها كذا بطرف عين:

ياكوافيرة المستقبل .. الحين وش بك ازعجتينا ؟؟؟ اوووص نبي نناام شووي

ناظرتني كذا .. وهي مفهيه ؟؟ قالت الحين انت وراك ما تصيح ؟؟؟

قلت الحمد لله والشكر !! وش يصيحني !!! والله لو الاتحاد مهزوم ..

عاد قعدت انادي الممرضه .. قلت لها جيبي لي كااس موية الله يرحم والديك ..!! قسم بالله ماعاد اقدر اتنفس .. من ذا الرز الهندي

واسمعي .. اهم شي المويه يصير فيها ثلج !! والله لا يهينك ... ابي الثلج بااااارد <<< لاياشيخ

المهم شربت وريحت .. كان ودي آخذ لي غفوه !!! بس اعوذ بالله ماخلوني في حاالي ..

نصيحه : لا أحد يصير حلو

والله من وااقع تجربه ..!! صدقوني .. ما خلوني في حالي .. كل شوي زايرني واحد .. واهذي بوسه على فمي وعلى خشمي وخذي يا جاني بوس<<<< ملييييييت من البوووووس

بس خلااااص ... هذا درس !! وأخذت العبره منه !!!

المره الجااية .. اذا جيت انولد .. أبدخل هان كونج عشان ادافع عن نفسي

مرت الأيااام .. وكنت رايح ذاك اليوم للرياض ويوم ركبت النقل الجماعي من مكه ..

كان جنبي واحد ساااكت طول الطريق ,,, وفجأه سألني :

عفوا اخوي ,, انت توك انولدت ؟؟؟

قلت .. ايه ,, ليه ؟؟

قال .. حلووو .. لأني ابنولد تقريبا ً عقب 7 شهور ,, وابيك تقولي وش اسوي .. وش آخذ معي ,, قبل لا أتوهق !

قلت .. اهم شي ,, سدد جوالك !!! بكره تبلش !!! تبي مويه والا شي ... وترسل ولا تقدر ..

ينقزون بوجهك ذولاك .. عزيزي وعزيزي

قال طيب .. اوصف لي الأجواء والمكان والوضع تكـــــفى !!!!

قلت :

المكان : في مكان ما
الزمان : في زمان ما
المناسبه : لا داعي للمناسبات !!
وهاذي قصتي في بطن اميمتي

وش رايكم؟؟