قصه روعه لا تفوتكم

[الحسـام]

(يامرخص ارواح البشر) قصة (ساره السعوديه وحبيبها الإماراتي) * قصه واقعيه * حصلت في الإمارات عام ١٤٢٥ ١٤٢٦... كانت ساره بثالث ثانوي حريصه على دراستها ومستقبلها تتمنى انها تجيب نسبه عاليه عشان تنقبل بجامعة الملك سعود كان حلمها تدخل هالجامعه قسم علم نفس او تربيه خاصه طبعا هي ادبي المهم ان اهلها مواعدينها لو جابت نسبه عاليه راح يسافرون دبي وبعد موت وهلاك جابت نسبه%97 بغت تنجن من الفرحه تعبها ماراح بلاش قالوا اهلها بعد تقديمك للجامعه راح نسافر دبي راحت تقدم وانقبلت تربيه خاصه ومن بكره سافروا دبي بسيارتهم الجمس سوبر بان وكانت هي واهلها مبسوطين الأبو عايش جوه مع الأم سوالف عن وين بيروحون وين بيجون بدبي واخوها عبدالله اللي رايح لثاني ابتدائي يناقز بين المراتب واختها غلا اللي بالتمهيدي نايمه اغلب الوقت وشغالتهم سيسا حاطه الوك مان وماغير تسمع ذا الأغاني وتبكي وساره واختها ريم اللي رايحه لثاني ثانوي سوالف وجايبين حلويات وشبسات ومجلات وفالينها ريم وساره علاقتهم ببعض قويه كل شي يقولونه لبعض مستحيل يخبون شي عن بعض المهم وصلوا الإحساء وناموا ليله فيها ومشوا عالإمارات ووصلوا دبي وكلهم اول ماوصلوا قاموا فرحانين كل واحد كشرته اكبر من الثاني والأبو والأم يحمدون الله على نعمة الوصول بالسلامه. (الجزء الثاني) بعد ماوصلوا سكنوا بشقق بالشارقه وكل يوم ينزلون على دبي المهم جاء يوم وانزلوا على حديقه بدبي اسمها حديقة الخور وكان عبود وغلا يبون يلعبون بملاهي الصغار قال ابوهم لساره وريم انا وامكم بنروح نلعب الصغار وانتوا اجلسوا عند اغراضنا جلسوا ساره وريم سوالف وضحك ثم قالت ساره لأختها ياويلي ماصليت المغرب الله لا يعاقبني قالت ريم روحي صلي وانا مشتهيه اشتري ايسكريم صلي على فرشتنا وانا ابروح قالت ساره اوكي التفتت ساره يمين شمال مالقت احد صلت وخلصت صلاة وشالت طرحتها تبي تسوي طرحتها و نقابها الا مروا قدامها شلة شباب امارتيين هي تبي تسوي طرحتها بسرعه لكن مع الرجه كانت داعسه على طرف منها تبي تسحب ولا هي قادره وهي مع الإحراج نست انها داعسه على طرف طرحتها التفتوا كلهم الا لفت نظرهم نعومتها بس كانوا محترمين راحوا عنها وكان في واحد من هالشله اسمه حمدان اول ماشافها انجن وشهق قال :شباب شفتوا البنيه اللي قبل شوي قالوا ايه شو فيها قال بحياتي ماشفت مثل نعومتها قالو والله انك صاج شحليلها ثم مشوا الشله يكملون سوالفهم وحمدان نسى سوالفهم قاعد يفكر بساره وبنعومتها وبياض بشرتها وشعرها الأسود الحرير وملامحها اللي كلها نعومه خشمها الدقيق وعيونها السوداء الوساع وشفايفها اللي كأنها حبة فراوله وجسمها اللي كنه غصن بان وهو بنص تفكيره قالوا له شلته حمدان مارد ياحمدان برضوه مارد قالوا حمدان بصوت عالي عند اذنه قال شو فيه قالو وين سرحان قال لا ماسرحت ولا شي بس عن اذنكم ابروح دورة المياه وراجع لكم انتوا روحو وانا ياي وراكم اوكي قالوا الشله وهم مستغربين اوكي طبعا هو ماراح لدورة المياه ولا شي راح قريب من الفرشه بس تحطم مالقى غير الأم والأبو وبزران هو تحطم ورجع لشلته قالوا له متى رحت وجيت لدوره المياه بهالسرعه ضحك هو قال لا مارحت لأنها بعيده وكانوا ريم وساره يتمشون في الحديقه وساره كانت خانقتها العبره من الفشيله وريم بس تسولف وساره ماطلعت ولا حرف قالت ريم وهي معصبه : عمى اكلم جدار قالت ساره والله نفسي ابكي قالت ريم خير وش صاير قالت ساره السالفه لريم ضحكت ريم قالت بس عشانهم شافوك قالت ساره هذي المصيبه شافوني تتوقعين صوروني ضحكت ريم بقوه قالت وش قالوا لك عن شباب الإمارات تراهم مو مثل شباب السعوديه لو شافوا عجوز صوروها وانشروها ضحكت ساره قالت حرام عليك لاتقولين كيذا عن عيال ديرتك اصابعك مو سوا والله ان بعضهم عسل المهم ريم الله يخليك حسي بفشلتي قالت ريم امحق فشله احمدي ربك انهم محترمين خلينا نستانس ترى باقي يومين ونرجع الرياض المهم ان حمدان لمح ساره طبعا عرف ساره بشنطتها اللي لونها بيج وهي طبعا متنقبه حمدان لاشعوريا قال لقيتها هم ارتاعوا شو لقيت قال الناعمه هم ضحكوا قالوا اترك عنك بنات الناس قال عن اذنكم راح ورا ساره وريم والتفتت ساره وشافت حمدان وقامت ترجف سألت ريم اختها ساره :خير ان شاء الله وش فيك قالت في واحد كأني لامحته مع الشله اللي شافوني قاعد يلاحقنا اخاف انه مصورني التفتت ريم و قالت الله ياخذك يجنن كأنه المغني عبدالقادر الهدهود بس الله يستر المهم ان ساره كانت ماسكه جوالها وكان الباندا هو ارسل رسالة بلوتوث كاتب فيها : لو سمحتي اختي لفت نظري نعومتج ووالله يشهد ان نيتي زينه وهذا رقم جوالي واسمي حمدان ومشى وساره علمت ريم قالت ريم امسحيه قبل لايشوفه ابوي وبدل مانرجع الرياض نرجع لمقبره النسيم وساره حفظت رقم حمدان بجوالها وسمته حصه عشان ماحد يشك ومسحت الملاحظه .
(الجزء الثالث) بعد ماوصلوا الرياض بالسلامه وساره بس تفكر بحمدان هو صادق ولانصاب قالت ماعندي غير اني اسأل هنا بنت خالتي هي اللي راح تفهمني_ طبعا ريم ماعطت ساره وجه بهالسالفه _ اتصلت ساره على هنا وقالت اليوم راح اروح بيت خوالي تكفين تعالي قالت هنا اوكي واجتمعوا في بيت خوالهم وقالت ساره السالفه لهنا وانجنت هنا:ياحظك اماراتي مره وحده آه ياليتني انا انتي ساره:طيب وش اسوي الحين هنا:خلينا نتصل عليه ساره:الله يخليك ابعديني عن المشاكل مو ناقصه اتصلت هنا على حمدان هنا:الو حمدان:الو منو اكيد انتي هذيك الناعمه اللي بالخور صح هنا:وش دراك يالجني حمدان:لأني اذكرلوحة سيارتكم سعوديه والحين انتي متصله علي من جوال سعودي وانا متأكد انكم من الرياض او الجنوب هنا:وش معنى حمدان:معروف بالسعوديه ان الجمال يانجدي او جنوبي هنا:انا من نجد الرياض وكل بنات ديرتي حلوات حمدان :المهم انه والله بس كنت حاب اقول ان نعومتج بحياتي ماشفت مثلها هنا:انا مو ساره انابنت خالتها حمدان : اسمها ساره اسمها ناعم مثلها هنا:بس كنت متصله من الطفش باي حمدان :طيب الله يخليج عطيني ساره والله ابي اكلمها هنا:على فكره انا احلى منها حمدان :مستحيل احد بنعومتها هنا:اسمع ساره ماتحب هذي الحركات انها تكلم او مثل كيذا وانا مرجوجه واحب استهبل عشان كيذا اتصلت عليك واصلا هي زعلانه عشاني كلمت عليك ومو راضيه مسويتلي عقل وثقل حمدان :حرام عليج عطينياها ابي اقول لها كلام والله يعلم عن نيتي هنا قفلت بوجهه وساره عصبت: ليه تسوين كيذا كان ماكلمتي والله انك تافهه وسخيفه الشرهه علي اللي اقول لك السالفه ماتستاهلين مين يعلمك هنا:اسمعي حبيبتي انا اموت عالإستهبال وبعدين اذا انتي مسويتلي رومانسيه اتصلي عليه واعتذري منه ياحساسه انتي المهم انه فجأه رن جوال هنا وكان حمدان اللي متصل قالت هنا لساره حمدان عالجوال اقفل بوجهه ولا بتعتذرين منه عشاني قفلت بوجهه وقامت .ساره واخذت الجوال وقلبها يدق وردت ساره:الو حمدان:الو ساره:حمدان انا ساره وكنت ابي اقول لك اسفه عاللي حصل قبل شوي حمدان :انتي ساره الحمدالله اني سمعت صوتج ساره:الله يخليك انا ماأحب هذي الحركات ورديت عليك بس عشان اعتذر عاللي حصل قبل شوي من هنا حمدان:سمعيني انا وربي يشهد علي ياساره انه من اول ماشفتج ماأعرف ليه قلبي دق ووالله اني كنت مع اصدقائي وماأعرف شو كانوا يقولوا بسبتج ولو كان نيتي مو زينه كان تعرفت على وحده بدبي ساكنه مو بعيد عني وانا ابقول لج كل شي عني عشان تعرفيني اكثر ساره :اعرف عنك ايش انا ماابي اعرف اي شي عنك صدقني واسفه على كل حال وباي المهم ان ساره قفلت منه وقالت لهنا حسبي الله عليك انتي وهبالك هنا تضحك ليه ساره:والله حبيته هنا:يقلع ابو المراهقه اللي زي كيذا حبيتيه مره وحده والله انك مخفه ههههههه ياساره اف منك ماأدري ليه احس انه طيب هنا :اقول ضفي وجهك انا ابروح اشوف مسلسل الحقيقه والسراب جاء وقته ساره جلست تفكر هو نصاب او لا ياربيه شكله صادق حلف بالله اكيد صادق وفجأه قطع حبل تفكيرها صراخ هنا وهي تصرخ ساره بسرعه تعالي قبل لايفوتك المسلسل راحت ساره وجلست تبي تشوفه فز قلبها لأنه كان على قناة دبي وقامت تبتسم مع نفسها هنا:ساره خير ان شاء الله تبتسمين لمين ساره:لا بس تذكرت سالفه تضحك هنا :طيب خلاص اسكتي خلينا نسمع ونشوف رجعت ساره لبيتهم بعد المسلسل ولا قدرت تنام تفكر بحمدان وتبي تعرف هو صادق او لأ المهم انها حاولت تنسي نفسها السالفه وبعد يومين كلمت هنا على ساره وقالت لها ان حمدان كلمني تصدقين جلس يحلف بالله ويدعي على نفسه انه حابك ومعجبتيه وانا مو ماصدقته وشلون حبك وهو مايعرف شي عنك معجبته يمكن لكن يحبك اشك وش اسويله ازعجني فكيني منه ساره يعني وش تبيني اسوي له هنا: كلميه وهاوشيه ساره :ماأعرف اهاوش هنا:المهم فكيني منه ساره:انتي اللي بديتي بهبالك مو انا وتحطينها فيني هنا:بصراحه ماتوقعت انه بيزعجني عشانك ساره:اف اشوف- هنا:تكفين ساره:يصير خير المهم ان ساره ترددت تكلمه اولأ بعد مده وافقت تكلمه :الو حمدان:الو -ساره:انا ساره-حمدان : اخيرا كلمتي ووالله اني فرحان بهالإتصال -ساره:كنت حابه اقول لك لاتزعج بنت خالتي اتركها -حمدان:لا تلوميني ووالله كنت احاول فيها انها تخبرج اني اتكلم صج مو العب -ساره:انت وش تبي بالضبط -حمدان :والله ابي اعلمج اني احبج واني ابي اتعرف عليج اكثر وانتي تعرفيني اكثر انتي كم عمرج -سكتت ساره دقيقه وبعدين قالت١٨ _حمدان:العمر كله وانا عمري ٢٧ ومتوظف بشركه... وانتي تدرسين -ساره :ايه لسه مخلصه الثانوي ورايحه اول جامعه -المهم انهم دخلوا جو سوالف وتعرفوا على بعض اكثر وكان كل يومين يتصلوا على بعض وعلى هذا الحال لمدة سبع شهور طبعا حمدان كان معلم اهله عن انه يحب ساره لكن ساره طبعا ماعلمت احد غير هنا واختها ريم بس الين جاء بعد عيد الأضحى اتصل حمدان كالعاده على ساره حمدان:الو ساره ساره:اهلين حمدان -حمدان:شخبارج-ساره:بخير انت كيفك حمدان:الحمدالله وعندي مفاجأه حلوه لج-ساره:شوقتني وشي المفاجأه حمدان :الحين تبين تعرفينها -ساره:حمدان ووالله اذا ماقلتها راح ازعل عليك احرقت اعصابي قل لي تكفى -حمدان:لا عاد الا انج تزعلين علي خلاص ابقولها عندي شغل بالرياض يومين وبعدها ابرجع دبي -ساره صرخت: واو الرياض بتنور حمدان:بوجودج يالغاليه عاد ابي اشوفج - ساره:كيف اشوفك صعبه والله راح انقتل لو احد شافني معك -حمدان:ساره مين قال اني راح امشي معج -ساره:اجل كيف-حمدان اشوفج من بعيد -ساره:اشوى طمنتني انت متى راح تجي حمدان :يوم الثلاثاء وابرجع الخميس بأذن الله -ساره:حلو انا يوم الأربعاء راح اروح مع خوالي منتزه تعال هناك -حمدان :انا ماعرف شي بالرياض -ساره:اسأل اذا وصلت عن منتزه اسمه قرية الثمامه بس مثل ماقلت من بعيد لبعيد -حمدان :متى يجي يوم الأربعاء بسرعه -المهم جاء يوم الأربعاء وراحت ساره مع خوالها للمنتزه اتصل حمدان بعد صلاة العشاء على ساره- حمدان:الو ساره -ساره :هلا حمدان وصلت للمنتزه -حمدان:وصلت بعد الموت لانهم منعوني ادخل مندون عايله بس قلت اني ياي من الإمارات ابي اشوف هالمنتزه واقتنعوا انتي وين -ساره:رح اسأل عن محل اسمه عجائب وغرائب -حمدان :اوكي باي -وكان حمدان مبسوط وقلبه يدق وهو يسوي نفسه ثقل وسأل عن المحل وراح له وساره كانت ترجف وقلبها بس يدق وقامت تغني ( ياويلي شو بدو يصير هاليله متله ماصار هاليله احلى اليالي البي عانار) وكانت ساره لابسه نفس شنطتها البيج اللي كانت لابستها بدبي المهم التفتت ساره على وراء الا حمدان كان مقبل عالمحل وقامت ترجف بقوه لدرجه ان اللي كانوا بالمحل خافوا يحسبون ان البنت صار لها شي وهو يوم شافها شوي الا يموت من الفرحه وضحك لساره وساره نزلت راسها وطلعت من المحل هي وهنا بنت خالتها هنا:الله ياخذك ياساره يجنن ساره:انتي بوادي وانا بوادي هنا:هدي اعصابك الكل قاعد يناظر لك بعدين ماصار شي -المهم ان حمدان كان وراهم وساره ترجف اكثر الين وصلوا عند السرك هنا:خليه يمشي شوي معنا حرام جاي عشانك وبس مخليته ورانا ساره:انتي صاحيه هذي فيها موت ابعدي هبالك عني - هنا:حمدان وش فيك ورانا تعال ساره:الله ياخذك انتي بتوديني للهلاك -طبعا هنا ماهمها شي مرجه وحمدان جاء وساره منزله راسها من الخجل بس ترجف المهم حمدان قال :ساره انتي بردانه ساره ماردت قام فسخ الجاكيت حقه وقال لبسيه- هنا: وشلون تلبسه حمدان: تلبسه فوق العبايه هنا: خير ان شاء الله وش قالوا لك عن ساره شغاله تلبس الجاكيت فوق العبايه تبي تضحك الناس علينا رد حمدان وهو معصب اهم شي صحة ساره وخلي الناس يقولون اللي يقولونه لبسيه ياساره طبعا مابغت تفشل حمدان ولبست الجاكيت فوق عبايتها دقيقتين بعدها فسخته ولفته على يدها المهم بدى حمدان يسولف مع ساره وساره خايفه و هنا طول الوقت تضحك المهم رن جوال ساره وردت طلعوا خوالهم بيرجعون عشان غلا اخت ساره تعبانه وقالت عن اذنك انا ابروح لأهلي لاننا بنرجع البيت انقهر حمدان قال خساره والله بس ان شاء الله قريبا اقدر امشي معك من دون ماحد يقدر يقول عنا شي- ساره: كيف- حمدان: بشهر ٢ راح تعرفين طبعا ساره كانت مستعجله عشان امها ماقدرت تستفسر اكثر راحت ساره لأمها ونست الجاكيت بيدها حمدان كان عارف ان الجاكيت حقه معها وكان مبسوط المهم ان امها شافت الجاكيت قالت منهو جاكيته تلعثمت ساره ثم جت هنا وقالت وش فيك ياخالتي مها هذا الجاكيت انا شاريته لعمي سلطان استغربت ام ساره وقالت كان شريتي له من اسواق زي الناس مو من منتزه بعدين غريبه هنا يبيعون ملابس قالت هنا ايه ياحليلك استغربت ام ساره وماكانت فاضيه لهم كان عقلها مع بنتها غلا قالت امشوا بس المهم بعد يومين اتصل حمدان على ساره حمدان:الو ساره -ساره:اهلين حمدان -حمدان كيفك -ساره بخير انت بشر ان شاءالله وصلت دبي -حمدان:الحمدالله وصلت بالسلامه -ساره :الحمدالله عالسلامه بس تعال ماقلت لي وش كنت تقصد عن شهر ٢ -حمدان :بصراحه اناوابوي وامي واختي فاطمه راح نجي الرياض -ساره :وشغلك بالرياض بيطول -حمدان :اي شغل احنا ثم تلعثم وقال جاين نخطبج -شهقت ساره وانحرجت وقالت حمدان بعدين اكلمك باي ماكانت مصدقه شوي وتطير من الفرحه اتصلت هي على طول على هنا وعلمتها هنا اول شي ماصدقت بعد ماحلفت ساره لهنا صدقت وقالت هنا: اسمعي سوي نفسك ثقل-ساره:ادعيلي -المهم ان ساره وراحت تموه لأمها ساره:يمه عادي لو سعوديه تتزوج واحد مو سعودي -ام ساره:وشلون قصدك سوري اومصري او زي كيذا -ساره:اقصد خليجي مثلا كويتي او قطري او اماراتي -ام ساره:خليجي ايه عادي كل الخليج واحد ياكثر السعوديات اللي متزوجات خليجين ومتوفقين وبعدين عيب تسولفين عن الزواج توك صغيره -ساره طبعا متشققه من الوناسه ان امها مبدئيا متقبله الوضع المهم في نهاية شهر ١ اتصل حمدان على ساره وطلب رقم ابوها عشان يقول انه يبي يزورهم هو واهله اتصل وصار اتفاق على موعد الخطبه طبعا الأبو سأل حمدان كيف عرفتوا عن بنتي وانتم بدوله وهي بدوله طبعا حمدان قال اننا سامعين عنكم خير المهم صارت الخطبه وبعدها بشهرين الملكه وكان يوم الملكه اسعد يوم بحياة حمدان وساره طلع يوم من الأيام حمدان مع ساره لمطعم اسمه ماريز وتعشوا مع بعض وكانت ساره رافعه شعرها وربطة شعرها نزلت جت ساره تبغى تعدلها قام حمدان وسحب ربطتها وحطها بيده وقال حبيبتي شعرها احلى من دون الربطه والله قهر كل هالنعومه و تربطينه ضحكت ساره وخجلت المهم جلسوا يتغزل حمدان بساره وساره خجلانه ثم خلصوا عشاء قال حمدان ودي اهضم الأكل ابي امشي وين نروح قالت وش رايك نروح لممشى الأمير عبدالله قال انتي دليني المهم راحوا يمشون وقالت ساره :حمودي نسيت اقول اننا بشهر ٦ راح نسافر احنا واهلي لمصر -حمدان :زين قلتيلي عشان ايي وراكم انا وراج وراج يالسوري ابصير عله على قلبج -ساره حرام عليك ووالله انت حياتي وعمري ليش تقول كيذا عن نفسك بالعكس لو تجي معنا راح احس صدق بالوناسه -المهم رجعت ساره للبيت وهو بعدها بيومين رجع لدبي جاء شهر ٦ وراحت ساره مع اهلها لشرم الشيخ طبعا حمدان كان بدبي وعنده شغل فما قدر يروح بنفس اليوم اللي بتروح ساره فيه لكن بيروح بعدهم بأسبوع واتصلت ساره على حمدان وقالت تعال على طول على شرم الشيخ قال لها ان شاء الله بعد اسبوع لأن شغلي محتاجيني بس ابيي بعد اسبوع - المهم ان حمدان كان حاط على الأخبار وفجأه لقى مكتوب خبر عاجل تفجيرات بشرم الشيخ من بينهم قتلى سعوديون و ............الخ ركض حمدان على طول على جواله كلم على جوال ساره لقاه مقفل ارتاع وخنقته العبره بس قال لازم اتأكد ان شاء الله احساسي غلط ولا قدر ينام راح من بكره للسفاره السعوديه يستفسر عن اسماء القتلى لقى اسم ساره واهلها مع القتلى انهار وودوه عالمستشفى وامه كانت مرافق له وتعبت نفسيته وصار معه صدمه نفسيه والكل يحاول يتكلم معه لكن مايرد عليهم وبعد ٤ شهور راحوا اصدقاءه له وطلبوا منه انه يطلع يغير جو كان رافض لكن بعد محاولات وافق وكان حاط ربطة ساره بيده ويوم ركب معهم بالسياره هم يسولفون عليه وهو مايرد جالس يناظر للربطه وفجأه جت سياره ثانيه وصدمت بسيارة اصدقاء حمدان ومات حمدان هو و صديقه و اثنين من اصدقاءه نجو مات والربطه كانت بيده واهله حزنوا عليه خاصة انه مات وحالته النفسيه كانت مره تعبانه ولقوا اهله بدرج غرفته ورقه مكتوب فيها( صحيح ان الأرهاب مرخص ارواح البشر لكن حبيبتي ساره انا وراج وراج ولو بالموت ان شاء الله وراج )* * * النهاية * *
القصه عجبتني وحبيت انقلها لكم

[moon face]

يعطيك الف عافيه اخوي الحسام على القصه

فعلا حلوة القصه ومررره محزنه

مشكوور اخوي

والشرف لي لاني اول من ترد على موضوعك

لك تقديري واحترامي

[lsls10]

يسلموووووووووووووو اخوووووي على القصه

[صح صح]

مشكور اخوي على القصه روعه


اخوك: صح صح

[لـذة غـرامــــي]

القصة حلوه الف شكررررررررررررررر

[الوفى طبعي]

تشكرآ آ آ تـ خيووو

:)

[الفــارس 18]

http://www.alsareha.net/vb/images/smilies/thau.gif

[reio]

الله يعطيك الف عافيه
تحياتي
reio