لــنــكــن .. واقعيين !

[lover_zidane]

بسم الله الرحمن الرحيم ... والصلاة والسلام على من لانبي بعده محمد عبد الله ورسوله ... اعزائي اعضاء سعودي نوكيا .. كل ما يكتب في هذا الموضوع والطرح هو من تاليفي الشخصي ... وتحت مبدأ انا اعي ما اكتب ... موضوعي ... موضوع فيه من الشفافية ... ما الله به عليم ... من اين سابدا ... وكيف سابدا .. سأبدأ بتمهيد للموضوع ... في احدى جلساتي مع احدى الاخوة العرب .. كوني خارج ارض الوطن لغرض الدراسة ... وبما اني كنت صاحب الجلسة .. دار بيننا نقاش .. بصراحة يمكن اي ماكنت معاهم ... وتفكيري رجعني لحالة من المسألة والمحاسبة ... لكن بصراحة الموضوع يستحق الطرح .. قال لي احد الاخوة العرب .. ان والده كان يعمل في السعودية لاكثر من 50 عاما حيث توفي ... وبالتحديد في احد الوزارات ... قلت له طيب وين المشكلة ... .

[lover_zidane]

وبالتحديد في احد الوزارات ... قلت له طيب وين المشكلة ... ؟ اجاب بسؤال قال لو انت متغرب عن ديرتك وتركتت اهلك وربعك وحتى بلدك وخدمة البلد اللي جلست فيها اكثر من 50 عاما . وش اقل شي يقدمه لك البلد اللي جلست فيه وخدمته ؟ انا .. تلعثمت وما لقيت جواب !!!
قال انا اجاوبك .. قال اقل شي يتكفلوا بدفنه !! .. موب يتصلوا عليك ويقولولك ان ابوك مات .. تعال خلص اجرائاتك مع المستشفى وثلاجة الموتى ... وادفع اللي عليك عشان نطلعه !! .. ثم ادفنوه !! سكتت !!


قام احدهم وقال ياخي انا عندي سؤال .. قلت اسلم .. قال انا مهندس متخرج من احدى الدول الغربية ومعي شهادات وخبرات ... عملت في السعودية لاكثر من 3 سنوات .. وكنت اتقاضى مبلغ وقدره (-----) ريال ... قلت خير وبركة .. قال .. اقسم بالله العظيم .. انا زميلي في نفس المكتب .. وهو سعودي الجنسية .. عندما دخل لاول مرة لم يعرف كتابه اسمه .! كان يتقاضى مبلغ وقدره .. 9 اضعاف راتبي ... ثم قال والله .. موب حسد .. الله يوفقه ويرزقه .. بس على اقل تقدير .. ياخي شوية تقدير ... او حتى مساواة .. قال : (وتحت مبدأ الرضى بما قسم لي رب العالمين ) قال استمريت معهم رغم كل الظروف .. لاني ابغى اعيش !!

قال في احد الايام ارسل لي المدير العام احد الشباب السعودي وقال نبيك تدربه زين !! قال .. قلت يارجل نكسب خير .. والله (هنا انفجر الرجل وانتفخت اوداجه) .. وقال : والله بعد شهر من التدريب .. ارسل لي المدير بريد يقول فيه راجع الدائرة الماليه .. لاستلام مستحاقتك !! راجعت المدير فقال لي ببرود .. يا اخ .... انت مفصول ..!! قال بعد عدة نقاشات .. لم يستجب لي .. قال فخرجت .. قال قبل ما اخرج مريت على الشباب اسلم عليهم .. قل تدري من حصلت جالس على مكتبي ... الشخص اللي دربته ...


قال لي .. هذا جزائي .. يارجال الآن رغم اني في بلاد ما بها دين ... اقسم اني الاقي من الاحترام والمودة .. ما يلاقيه المسلم بين اخوانه !!
الهذا الحد وصل بنا الامر ...

اود ان اذكر ان جريدة الرياض وفي احد اعداددها .. اقامت الدنيا واقعدتها ... وفجرت خبر بعنوان ..


عامل اجنبي يتقاضى 120.000 ريال (مئة وعشرون الف ريال ) اثار ضجة .. جعلت من مدير الشركة سبب للقضاء على السعودة وتدمير طموح الشباب في الوظائف .. عندها اجاب مدير الشركة المهندس خ.م. ان لهذا الرجل بعد فضل الله ثم فضل هذا الرجال .. لم يكن لاي سعودي ان يحمل جهاز جوال .. في حياته ... انا ما ابغى اقول ان كل اصابع يدك سوا .. لكن تصور ان واحد من الشباب عندما عُرض عليه ان يعمل في شركة مقابل 9.000 ريال وهو لايحمل سوى شهادة الثانوية اجابهم .. بالرفض .. قلت ياخي والله الشغل زين والمبلغ مغري .. كان جوابه .. اقسى من السم قال وبالعامية ياخي انا اذا ماكان راتبي فوق 15 الف وتحت الشركة اخر موديل فياجرا .. واجي عشان اوقع واروح .. والا ما ابي كل ذا التعب !!



صحيح انه في شباب سعودي انموذج للشباب في العمل والجدية والمثابرة ... زبدة موضوعي .. صحيح العنصر الاجنبي يضر ولو بنسبة على نسبة البطالة .. بس ياخي ترا في مسلمين (اجانب كما شاع منادتهم) لديهم من المهنية والامانة والخبرة ما يرقى بمملكتنا للاعلى ..


ولا احد يقول اني اقصد بالشباب السعودي العكس ..


لكن انا اتكلم بموضوعية .. ما المانع من ان نستفيد من خبرتهم ونضمهم لنا (تجنيس ! هذا وجهي ) ... الطفل يولد في بلاد الكفر فيحصل على جنسيتهم وان تعرض لشي خارج بلده هبت سفارة تلك البلد لمساعدته .. يولد الاجنبي في بلادنا بمستشفيات خاصة ويدفع عليه من الاموال مالله به عليم ... ولايستحق اقل شيء الجنسية ! اليس تراب بلدنا الغالي شاهد على مولده ... الشكوى لله ! اليس من العيب علينا ان نبقى بمناحرات داخلية .. هذا الرجال ابيض ... هذا اسود ... هذا ولد فلان ... هذا اجنبي ... هذا وهذا ... الخ اليس من الصواب ان نتوحد ونحن في اغلى واقدس بقاع العالم .. ونكون انموذج لكل مسلم .. اليس صوابا ان نبرز للعالم انا في غاية الاخوة والتعاون وتحت .. قول رب العالميين .. (انما المؤمنون اخوة ) .. والا ذا ما يعنينا ... او ماصار عندنا اهتمام باي بني ادم يشهد ان لااله الا الله وان محمد رسول الله ... في فلسطين والعراق وافغانستان .. وشتى بقاع الارض المنكوبة (اللهم انصرهم) لا اود ان اخوض في الاحاديث السياسية فلست اهلا لها ... على العموم الله انصر المستضعفين المسلمين في ارضك .. اود ان اختم بحديث نبينا محمد صلى الله عليه وسلم ... لكن قبل ان اختم اود ان ادون هذه الملاحظة .. اني انا سعوي غيور على على ديني وعرض ووطني ..


وما يهمني هو مصلحة مملكتنا الغالية اولا .. فان صلاح وتوفيق وهداية ابي خادم الحرميين وولي عهده الامين راسا الدولة السعودية .. له عظيم الاثر علينا وعلى تطور وازدهار مملكتنا .. اللهم وفقهم واهديهم وارحمهم وخفف عنهم ويسر لهم امر رشد يعز فيه اهل طاعتك ... وامر رشد يذل فيه اهل معصيتك ..


. اختم بحديث نبينا محمد صلى الله عليه وسلم : المسلم للمسلم كالبنيان يشد بعضه بعضا .. وقوله عليه الصلاة والسلام ... ليس لاعرابي ولا اعجمي فضل الا بالتقوى ... او كما قال عليه الصلاة والسلام .. اللهم احفظنا واحمي مملكتنا وكل بلاد المسلمين ووفق حامها لما فيه خير البلاد والعباد ... ورد كيد الخائنين والعابثين بامن البلاد في نحور اصحابها ...

وآسف جدا للاطالة .. تقبلو فائق احترماتي ... واجل تقديراتي ... ودمتم بكل الود ..


الموضوع لكاتبه lover_zidane للمنتديات سعودي نوكيا ..

. ولا تنسوني بمشاركاتكم والوانكم المضيئة .. وحتى نصائحكم ...

[عبيد الضلع]

التجنيس للخبراء مطلب مهم

[lover_zidane]

اخوي عبيد الضلع ...

اشكر واقدر مرورك على الموضوع ...

ترا الموضوع رغم اهمية للجميع ... الا اني ارى ان الموضوع ذهب ادراج الرياح ...

تسلم يمناك على المرور والرد ...

ودمت بكل الغلا ...