ترضى احد يفتش جوالك ؟

[lover_zidane]

السلام عليكم

عندي موضووع اتمنى تشاركوني فيه
لاني لاحظته كثير بالاونه الاخيره وحبيت اعرف رايكم ..

ترضى أحد يفتش في جوالك ! وليــش؟
الجوال مستودع الأسرار!!

الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يمسك او يلعب بجوالي ) !!

هالجمله البسيطه تحوي معاني كثيره

والبعض ريح نفسه وحط له رمز حمايه ومحد يعرفه غيره واذا بيفتحه يشوف يمين ويسار يخاف احد يحفظه


ليه مانرضى أحد يفتش أو يلعب في الجوال ممكن تفسر لنا؟؟


هل هو الحرص عليه !!

ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا مسجاتك !!

ويشوف قائمةالأسماء اللي بجوالك !!

ولا يسمع النغمات اللي منزلها ولا يشوف كم مقطع فيديو !!

ولا يشوف الصور الموجوده !!


ولا انت من النووع الي يعتبره تدخل بالخصوصيه !!

الأسئله كثيره جدا جدا ولكن

اتمنى منكم المشاركه وكل واحد منكم يقولنا هو يرضى احد يتفرج على جواله او لا!!

وايش السبب ؟؟

اتمنى الصراحه . .


تقبلو فائق المودة / اخوكم lover_zidane

[متيارا]

حياك الله الاخ الفاضل ,,
الحقيقة موضوع شائك وشيق,,
وعن نفسى بكل وقاحة أنا من الناس اللي أتصيد جوالات غيري من الاهل
طبعن بس مع الناس الحميمة علاقتي بهم واللي تقريبن أمون عليهم,,



هل هو الحرص عليه !!

الحقيقة أن حرصي على جوالي قليل جدن لاني ما أحتفظ بشي خاص داخل جوالي,,
احيانن خصوصيات البنات مختلف تمامن مكان حفظها عنكم يا الشبابــ
واكيد هي قاعدة ليست بتعميم الجميع,,



هل لهالدرجه جوالك خطير ماتخلي حد يقرا مسجاتك !!

الحقيقة هناك بعض المسجات التى لا اريد أن يطلع عليها أحد أحفظها في المذكرة أو التقويم لدي,

ولا يسمع النغمات اللي منزلها ولا يشوف كم مقطع فيديو !!ولا يشوف الصور الموجوده !!

ربما وما حاك بصدري اكرهه أن يطلع عليه أحد

وحط له رمز حمايه ومحد يعرفه غيره واذا بيفتحه يشوف يمين ويسار يخاف احد يحفظه
هههههه
الحقية أني بلهاء لدرجة ان رمز القفل هو نفسه الرقم الافتراضي من الشركة المصنعة,,

تحيتي لموضوعك الحساس ربما لغيري والفضولي لناس مثلي,,,
وننتظر باقي ردود الاعضاء,,

[@ ولد نجد @]

اولا مشكور حبيبي على الموضوع والله يعطيك العافية

ثانيا : انا ماعندي مشكله انه احد يطلب جوالي لأنه ماعندي شي اخاف منه وكثير ناس لما يطلبوني الجوال واعطيهم يقولولي اجل عندك حارس ذكي لأني واثق من نفسي ومن جوالي

انا حاطله رمز حمايه بس مو عشان محد يفتش او زي كذا انا حاطه لأني دائما انساه في البيت او الإستراحه والخوف انه يجي واحد ويكلم به او اذا انسرق فيه واحد اعرفه انسرق جواله جاته الفاتورة وعليه مكالمات لبنقلاديش اقل مكالمة 10 دقايق اعتقد ان هذا سبب لوضع رمز الحماية

معليش شكلي طولت عليكم ومشكور مرة ثانيه والله يعطيك العافية

[أحب وخاطري حساس]

انا عن نفسي عااااااااااااااادي لان عندي البرنامج الحارس الذكي لان كل واحد له خصوصياته

[mido100000012]

انا اضع رمز حمايه بجواليحتي لا يفتحه احد بدون اذني ولكن لو استأذني ما فيها مشكله لان ما في شي سري في جوالي
اما بالنسبه لسؤالك لماذا لا يرضي الشباب بأن يطلع احد علي ما بداخل جواله ربما يكون به صور لاخوته وعا~لته ولا يريد للغير ان يطلع عليها عموما هناك سبب لاي شخص يقوم بذلك
شكرا

[ولد شعبان]

السلام عليكم
أما انا يا شباب حاط لجوالي رمز حمايه وكل اصدقائي يعرفون الرمز حاطه عشان السرقه وعندي الحارس الذكي لصور اهلي وارقامهم

وبالنسبه للشباب المراهقين اذا اخدت الميموري كارد حق الجوال ودخلته على الكمبيوتر واظهرت المخفي تشوف الفضائح والعياد بالله وبعض الشباب يتنافسون من اللي عنده اكثر مقاطع اباحيه ولا تحصل في جوال آيه وحده من القرآن وهذا للأسف جيلنا الجديد

عذرا طولة عليكم تقبلو تحياتي

[lover_zidane]

اشكر الجميع على المرور ...

انرتم صفحتي بالوان اقلامك ... وتعليفاتكم ...

دمتم بكل الود

[اـــــــي شــيء]

مشكور ع الموضوع

[اـــــــي شــيء]

بس معندي جوال

[miss peach]

انا عن نفسي ابدا ماعندي مشكله اذا احد فتش جوالي بس مايكون من باب الشك


وتبعاُ هذا يعني انو مااحب احد من اهلي يسون هذي الحركه لانها اكيد بتكون نابعه عن شك موب عن شي ثاني

بس اذا وحده من صديقاتي تبغى نغمه او مقاطع فيديو انا ماعندي مشكله لانو اللي في جوالي مايتخبى وعاتي جداُ


لكن الاسماء والمكالمات والرسايل مااحب احد يشوفها الا اعز صديقه لي بس ممكن


واحس انو من الذوق ان الوحده تطلب اني انا ارسلها والا من نفسها ماتدخل على المكالمات والرسايل



مشكووووووووووووووووو على الموضوع الحلو

[bint_abumt3b]

اناااااا .. بالنسبه لي عاااادي .. بس طبعا . تررجع على حسب الشخص . الي مااخذ جوالي..
وموووهم بالنسبه لي الاستأذاااااااان .. انا ماااحب احد ياخذه من دون مااياخذ اذني ..

وطبعا هي تعبر من خصوصيااتي ... مهما كان .. حتى لو ماافيه شي جوالي ..


ومشكوووووووووور


سيااع

[مـزآيـآإنسـآنـ]

اولا اشكرك عــ موضوعك
عاادي يفتح الجوال واذا طلبه بعطيه
لا كن لاحظو اياام الجوالات الجيل الثالث وتحديداا الاستديو
مره حصلي قصه كانت عند واحد ومااشوفه الايااخذ الجوال
ويقول بكل بروده في شي خااص >>> بلا هااذا سوال
اقله لا يقوم يسوي تحديد الملف وبلوتوث
المهم اقول الله يصلحهم
ويعطيك الف عاافيه

[خيال الظل]

على حسب الشخص ولازم يستأذن
ومايكون قصده لقافه أو تفتيش لأن أكيد ماراح أوافق
وسؤال حلو.............

[البسمه الخجوله]

السلام عليكم



انا الصراحه حاطه رمز قفل


بس انا حاطته عشان اخواني الصغار لا يلعبوا بالجهاز بغيابي
ولكن اذا في احد استأذن وقالي ابغا اشوف ايش في بجوالك ما امنعه ولا اخاف من انه يفتش فيه

وشكرا


التوقيع
Miss lolo

[المارينا]

لو بالاستئذان ممكن اخلي الواحد

يتفرج و يدخل لكن بشرط انو يكون عارف

يستخدم الجوال

[BaaDrr]

الي بيقرب من جوالي ياويله >>>> دائما يقول الكلمه هذي
الواحد لازم يحترم خصوصيات الاخرين والمفروض مايصير بجح ويأخذ الجوال . انا صار موقف يمكن من لحظتها وانا أرفض أحد يأخذ الجوال
كنت في الاستراحه وفيه واحد كلما شاف جوالي لو مافيه شي يقول ممكن الجوال يجلس يدور فيه . وجاء يوم من الايام قلتله ممكن جوالك قال لا اسمحلي من بعدها اي واحد يقرب من جوالي........................... :gth

[lover_zidane]

اشكر الجميع على المرور والتفاعل ...

وفعلا بيض الله وجوهكم على التعليقات والاراء

كل الشكر والتقدير

وفعلا خصوصيات الاخرين لازم تحترم

انا بالنسبة لي عادي خذ الجهاز لك وسوي فيه الي تبيه

لكن الرسائل خط احمر (فهي تعكس اسرار وشخصيات واذواق )

[دلوعة بابتها]

ممكن اعرف انتي مين

[high soul]

يعطيك العافيه على الموضوع

في ناس كثير مايرضون احد يفتش جوالهم لاسبابهم الخاصه

وانا عن نفسي ابدا مااحب احد يمسك جوالي لا يفتش فيه ولا يطالع الصور ولا شي

لانه اولا انا وحده مااحب اللقافه ابدا

وثانيا هذي منخصوصياتي يعني مااحب احد يشوف الرسايل مثلا ممكن يكون فيها سوالف مع صديقاتي
سوالف خاصه واستيديو جوالي كله صوري مليان عشان كذا موب اي احد يشوف صوري وغريها من الاشياء

باختصار الخصوصيه حق لكل شخص ومااظن انه احد يحب اي شخص يفتش بخصوصيته

شكرا

[mysterious man]

يعطيك العافية يا أخوووي على الموضوع




أنا بصراحة ما يعجبني أنه يجي أحد يفتش جوالي



لكل شخص خصوصياته



أنا ما عندي شئ في جوالي



لكن إذا استئذن مني شخص



ما عندي مانع