المجــله الشعــريـه (( متجــدد ))

[أكليـل آلـورد]

http://www.saudinokia.com/vb-pic/bsmlh1.gif

http://www.saudinokia.com/vb-pic/alslam.gif

هــذه المجلــه تهتــم بشعــراء الســاحه العـربيـه والخليجيـه بالذات

وكـل شهـر يتـم تنــزيـل معلمــومات عن احد الشعـراء وسـيرته الذاتيـه ودواوينـه

ويمــكن للاعضـاء ان يشــاركـون بقصـيده او معلومــات اخـرى عن الشـاعر

فـي البـدايـه احـببت ان يكــون أول شـاعـر في هـذه المجلـه هـو الشـاعر الكـبير (( طلال الرشيـد ))

اتمنـى ان تعجبــكم الفكــرة .. :)

نبـدأ فـي اول رحلـه لنـا مـع شـاعرنـا (( أبـو عبدالعـزيز ))

،،

[أكليـل آلـورد]

http://www.l1m1.net/uploads/ba55b0f6c7.bmp (http://www.l1m1.net)

وداعاً طلال الرشيد .. شهيد الشعر ..
يا جرح من وين ابتدي ..

وانته معي من مولدي ؟!يـــا مــوت واســتـغفــر اللــه لو تــعـرف الــحرام
ما كـــان أخــذت الـلي في مــوتـه مـوت قـوم

نبــذه عن حياة طــلال الرشيــد_رحمه الله_:
• من مواليد1962م.
• حصل على بكالوريوس علوم أداريه من جامعة الملك سعود
بدأ كتابة الشعر في نهاية السبعينات تحت اسم مستعار(الملتاع)

أمـــسياتــه:1. أمسية مهرجان الجنادريه وحاز على جائزة تقديريه من المهرجان في مجال الشعر.
2. في عام 1994م أحيا أمسية بالكويت.
3. في عام1995م أحيا أمسية بدولة الإمارات.
4. في عام1995م أحيا أمسية في البحرين.
5. في عام2001م أحيا أمسية في دولة الإمارات في الشارقة.


• أنشأ مجلة فواصل في عام 1993م, وهي مجلة ثقافية شاملة, أنشأ مجلة إبداع في عام2002م, وأنشأ مجلة البواسل في عام2003م.
• كتب القصيدة الحديثة على أصول تفعيلتها وكان له أسلوبه المميز في الشعر الحديث.

• غنى له الفنان محمد عبده(عاتب الآمال, سنا الفضة, أحبه حيل), عبد المجيد عبد الله(ايه شفتك, تعال)عبادي الجوهر(كل العواذل, وقف الإمام, ما حبيته, إن حكت حكا, وعدتني)رباب(لا تذكرني)رابح صقر(سلم سلام عيون)خالد عبد الرحمن(عيون الحب, حبيبتي)كاظم الساهر(مشتاق, الليلة إحساسي غريب, مو حرام)

• هواياته القنص والرياضة.


وسقطت آخر أوراق الحب والعذوبه ... سقطت ورده من أزهار الكلمه وعبق العاطفه وبريق الجمال .. رحل فارس عفيف في غزله , شهم في قدومه .. تواق في غزله .. صامت في عشقه للكلمه عذب في حديثه وفي إلقائه .. توالدت الكلمات والمعاني فوق لسانه زهوراً يانعه .. وتدفقت المعاني الجميله بين أشعاره ينابيع هادئه ..

رحل فارس من فرسان الشعر الشعر العفيف .. افل نجماً طالما أضاء ما حوله بروعة الاحساس فاختلطت في كلماته وتعبيراته .. الدمعه بالبسمه .. وحزن الفراق بفرحة اللقا .. الم البعاد بأنين الشوق .. واختلطت في أشعاره ثوره العشق بشفافيه الصمت الهادر في الاعماق ..

طلال عبد العزيز الرشيد هو واحد من أهم وأبرز الشعراء الشعبين الذين ظهروا في الساحه السعوديه الخليجيه بشكل خاص منذ مطلع الثمانينيات يميز شعره بالرقه والخفه وسرعان ما تحولت أكثر قصائده الى أغنان شدا بها كبار نجوم الغناء الخليجي كالفنان عبادي الجوهر والفنان راشد الماجد الذي غنى راعته " علمتني .. إشلون أحب " ومنها أخذنا البيت الاول .. تميز طلال بحب العمل الصحفي أكد حضوره باصدار مجلة " فواصل " في مطلع التسعينات التي استمرت لتكون من انجح المجلات الشعبيه وأكثرها انتشاراً على نطاق الخليج
وبخلاف " فواصل " شارك طلال الرشيد في اصدار " مجلة المقناص " ومجلة " ابداع " بالاشتراك مع الدكتور طارق السويدان ..


واختار طلال الرشيد اسماً شعرياً وهو " الملتاع "
ليذيل به الكثير من القصائد العذبه الجزله التي تلج القلوب بسرعه وتنحاز للابداع فوراً ..


انتقل طلال إلى رحمة ربه مصابا بأعيره ناريه قاتله فهو فارس يحب القنص وذهب ليمارس هوايته هذه في الجزائر وحسب مصادر خاصه للاتحاد فقد كان الراحل في رحلة صيد بولايه تقع في جنوب الجزائر حين كان يسير في حدود الثامنه والنصف مساء الخميس الماضي على جبلي صحراوي وعر وتفاجأ بوابل من الرصاص ينهمر من كمين أعده بعض الارهابيين المختبئين في الجبال للشاعر ورفاقه ظناً منهم ان قافله الشاعر هي أحدى دوريات الأمن ..


في رحلة القنص هذه والتي لم تكتمل كان " نواف " الابن الأكبر للشاعر مرافقاً له .. لكن الاراده الإلهيه شاءت ان يبقى نواف تلك الليله بالذات فالمخيم بانتظار والده الذي اغتاله يد الارهاب .. ولم يعد إليه أبداً .. ( نواف ) الصغير يبلغ من العمر 15 عاما أذهلته المفاجأه وصدم برحيل والده المفجع لكنه بقي صامداً تماماً مثلما كان والده ..

[أكليـل آلـورد]

من هو طلال الرشيد ..


هو طلال عبد العزيز سعود العبد العزيز المتعب الرشيد , وجدته هي فهده بنت عاصي الشريم والدة الامير عبد الله عبد العزيز ولي العهد السعودي .. ما يجعله في الصف من عراقة النسب وهو من مواليد 1962م وحاصل على بكالوريوس علوم اداريه من جامعة الملك سعود , كتبا لشعر وأحب الصيد والفروسيه , وفي مطلع الثمانينات قدمته الصحافه الثقافيه شاعراً يكتب باسمم المستعار " الملتاع " وفي نفس الفتره أيضا بزغ نجمه كأحد من أهم و أبرز التجارب الشعريه في المملكه العربيه السعوديه ومنطقة الخليج العربي ..

يقول فهد عافت :

كفو هب مالها إلا واحد مثلك شديد الباس ... إلى ضاقت على الحر .. الكريم .. وخانت .. اظروفه

كفو من أول حدود الامل لآخر حدود الياس ... ولا به ياس دام انك هناك .. ولك به .. شوفه

أبو نواف .. أبو كل النوايف رافعات الراس ... ولد عبد العزيز اللي حياته كانت احتوفه

طلال وقبل أحدر حاجتي يرقا لها قرناس ... كثر عرفه بجهلي شفت أنا جهلي بمعروفه

جلس مثل الرضا في قلب من صلى العشا بنعاس ... وقف مثل العفو هو .. فيه مثله ساعة وقوفه

عزيزٍ في الحياه ليا صمد ما كن فيه احساس ... ذليل في الصلاة اليا سجد ما قام من خوفه

كريمٍ والله انه يستحي من ردت الانفاس ... إلى منه عطاها للهبوب وردت لجوفه

ومش اكتب يا القلم يا المحبره يا ليل يا القرطاس ... تعزبت المعاني .. والمعاني كانت ضيوفه

كفو .. ماهي كفو اللي صارت لحي الله من الناس ... كفو .. للي كفو لو كملوها صات كفو .. فه




يتــبـع ،،،

[أكليـل آلـورد]

من قصائد الراحل طلال الرشيد ..

" أموت من فرقاك "

أموت من فرقاك .. أموت بلقاك ... وأموت من جورك .. وأموت بحنانك

كل قضاه يموت مره .. ويفداك ... وأنا أموت ألفين مره .. عشانك

أذكرك .. لا مني نسيت اني نسيتك ... انساك .. لا مني ذكرت نسيانك

رضيت أنا بالهم لرضاك مرضاك ... وارخصت لك قلب جرحته .. وصانك

أجيك في صدري عتاب .. وأبجفاك ... وارجع ألوم الوقت وأقول خانك

أحب فيك .. احساسي اني بلا ماك ... في عز خوفي منك احس بأمانك

عجزت أفرق بين وصلك وفرقاك ... ياللي عطيت الناس بيدك عنانك

أقبل وتقفي .. واعتذر عن خطاياك ... وأقول ما عييت .. عيا زمانك

وان خانتك دنياك .. وأو خنت دنياك ... إرجع وتلقاني .. مكانك .. مكانك




" ضيعتني "

ضيعتني ..

شريتك إنت بكل شي ..

ولا نسى يوم اني .. أنا هليت بك ..

ودعتني ..

يا آخر الابواب ..

من دوع ببسمه حزن .. أحبابه غيري ؟

يا آخر الاحباب ..

من قفلوا في وجهه الابواب غيري .. ؟

يا آخري بالله .. ليه ضيعتني ؟

الحب .. ضياع ..

وان كان ما صدقتني .. شفني ..

ألم ..

وأقول لو حلفتني .. اوصفي ..

ليت أقدر أختار أحبابي ..

يبرى صوابي ..

كله من أسبابي ..

ويا غايتي بالله .. ليه ضيعتني ؟؟

لا .. لا للندم ..

لا للألم ..

لا للسؤال اللي يحيرني جوابه ..

مسكين .. من صد وبكى ..

كلن درا به .. إلا احبابه ..

يــ معذبي .. وأهوى عذابه ..

دنياي وعيونك تشابه ..

حبيبي .. لا والله أكثر من حبيبي ..

ناسي وهلي ..

وأصحابي وربعي وقريبي ..

بالله .. ليه ضيعتني ....؟




(السكوت أرحم)
أحيــــان أحـس الأمـل قــدام
وأحيــان احـس إنـي أتوهـم
وأحيــان أحس المـلام هـيام
وأحيــان أقول السكـوت أرحم
أتعب سهـر....ماتعبت تنــام..؟!
إلـى متــى وانـت مـاتـهــتم.؟!
مــا قـلت لك تـشـبـه الأيـــام
تجــرح وتـنـسى ولاتـســأم
تـعبـت أســافر مـع الأحــلام
ولاأكتشفت إنـي كنـت أحـلـم
إليــن صـحــتني الأوهـــام
على جـروحي وأنا مــغـرم
الحــب أحلـى قـــدر لو دام
الحــب أغــلى أمـل يـرسـم
بحــب ليـن أعــذر الـلــوام
بحــب ليــن النـــدم ينـــدم

(ثلاث أشخاص..!!)

ليتك بعـيني ثـ٣ـلاث أشخـاص أو كنـك
واحـ١ـد بجـنبـي..
و واحـــد روحـي يملاهـا..
والثـالث بجفن عيني لافقد حسك
أو غـمض الجفـن...جانـي فيك يتباهـا
مو بس أحبــك...أنـا والله من حبـك
أحب حـتى ثرى الأرض اللي تاطـاهـا

(...راحـ....ـل...)

"أنا ... راحل

وتارك كل شي..

جمعت من ذيك العيون أحلى المعاني وونيت مع صوت المعاني

ولما وصلت لكل شي

دريت إني ماوصلت لشي

اخترت أصعب راي

أنا راحل .. وتارك ..كل شي مني .. ورااااااااي"



(رسالة..إلى صديق الطفولة)

صديق الطفوله وش جرى لك مع الأيام
هي أنصفت دنياك والا أنت بك مثلي
فقدنا ملامحنا مثل ساير الأنام
عبث بنا جور الزمن والزمن يبلي
وقفنا جميع وبيننا حاجز الأعوام
صعيب وصولي لك وياصعب لك وصلي
وأنا أشوف في وجهك طريق غشاه عتام
وذاك النخل واشوف دارك ودار أهلي
وسدره هي أكرم من أهل بيتها اللوام
وفي وجهك أصحابي عصى مدرسي وفصلي
وعود كبير ودايم فالظلال ينام
في ذكرياتي له بعد ملمح وجلي
وسور كتبنا فيه ذكرى عبث وأوهام
ولي في عيونك صورة زانها جهلي
بثوب تبلل بالمطر والتراب وشام
وأنا حب أسير العب وهي حافيه رجلي
أنا وأنت طفل وطفل دايم رضى وخصام
بكانا سهل والضحكه أمر بعد سهلي
دعاني بوجهك ناده ينده الأحلام
معه رمح مدري هو علي غاضب أو لجلي
أنا كيف أباصل والأمل خلف مو قدام
كثير الأسى والسهد يا من فعل فعلي.

(سنا الفضه)

جتني وشافتها عيون حايرات
ذا شعاع الشمس أو هذا سناها
ضاعوا اللي جو معاها مسيرات
وأقبلت تمشي تقل محد معاها
ياسنا الفضه وياجيد المهات
ياشذى نبت الخزامي في وطاها
قلت كن بوجنتك زهر النبات
قالت ان الرمش يجرحلي صفاها
تجرح الظلما عيون ناعسات سلهمت
وأغضت تغطرس في بهاها
حققوا بالشوف في لون الشفات
هو خذا منها الشفق وإلا عطاها
ولو ظلام الليل يعطينا اثبات
فيه من لون الشعر وإلا كساها
كيف أباصف زين كاملة الصفات
كيف أباصل في حروفي منتهاها

[أكليـل آلـورد]

(رساله)
آه يـا هـم عمري وش بقى ما نمحـى ... كل ما أكتـب على المـاء لك رسالـه تسـيـل

(صعوبه)
ترى أصعب الموت..موت يذبحك كل يـوم
وأصـعب حياتك تعيش..وإنت جواك ميت

(برد)
وكل الشتا لو يجتمع في ليله ويكون
لو ألبسه كل الحرير..مايدفي عظامي

(عجز)
بس لاتحكي معي عن ماجرا لي
دام أنا مقوى حديث الذكريات

(خوف)
أخاف أغمض عيوني وإن رمشت أفقدك
وأخاف افتح وتصبح حلم ولا ألتقيك

(ذكرى)
ذكرتك..ماذكرت الا عيونك والجبين وكل ماعرفه
ذكرتك..مانسيت الا جروحي والانين ودمعي الصافي

(اسمك عنوان)
نشوفك في عيون الناس..حب واسمك العنوان
تقل كنك شريت قلوبنا يالصادق الوافي

(غربة)
متغرب وغربتي تابوت
ميت وأنا حي مستني

(أشباه الرجال)
حكوا فيها
خذوا في طاري الحلوة وجابوا
مسيكينه بسيرتها تنابوا
وأظن الصدق لشفاهم
أبد ماهو قريب
بشر..يامصعب إرضاهم
وأنا ماني حسيب!!

(أصعب خيارين..!!)
خيرني أمري بين أصعب خيارين
موتي أنا..أو موت الاحساس فيني
لكن زماني المر علمني أني
أموت مااحني لأجل قلبي جبيني

(مجلس..عتيق!!)
مجلس عتيق!!
هذا غريب..وذا رفيق
شباب والسيره..بنات
ذياب ..ياويل المهاة
مسكينه بنت الشفاه
مسكينه بنت العيون
كلهم جذاب
كلهم لعاب
كلهم كذاب
حتى أنا

(شعور)
اجمع كلام وماأعرف الكتابه
وعندي شعور صدق والوقت كذاب
(بشر)
بشر يامصعب رضاهم
وأنا ماني حسيب

(بنت الجزيرة)
مانيب من يهوى سريا وانصاف
انا هواي وبس بنت الجزيرة
بنت الخليج اللي تماري بالأعراف
وحنا نماري باسمها كل ديرة
مالي غرام بقول"وخا"و"بالزاف"
إذبحني عند الطرحه المستديرة
أحب قولة "ياهلا"وعل ماخلاف
من بنت ثوبي بنت الأرض النضيره

(إحساس غريب)
الليله إحساسي غريب
عاشق وانا مالي حبيب
حبيت كل الناس لاموني
حبيت..كل أحبابي باعوني
قلت أحب الحب احسن
قلت أحب الحب أضمن
لا أحن..ولا أتوه..
ولا بعد في يوم أحزن..

(يوم الوداع)
يوم الوداع إتخيلي مالي حبيب أوادعه
محروم أنا واتخيلي محروم حتى من العذاب
يابنت لي قصه تطول بكلمتين موجعه
هي باختصار إني أنا اركض ويطردني السراب.

(مايكبرني لقب)
ياصغير مايكبرني لقب
ولا يصغرني إذا انكرني صغير ماخذينا الصيت من جمع الذهب
ولا نسابه شيخ أو قربة وزير
كاسبينه من هل السيف الحدب
الجنايز كان ماجاك النذير
صيتهم نجم على راسه لهب
سمعوا الصقهان به واجهر ضرير.

(كذب..صحيح)
قل مدام إني بكذبك مبتلي
كل كذب دام هو فيني..صحيح
ما أخبر من الذنوب إلا هلي
ذنبي اللي يرفع الراس الفليح

(كل السحاب)
كل السحاب اللي تحت وجه الثرى مسجون
وكل التراب اللي رقى متن السما ظامي
وكل اليدين اللي غدت لجل السلام عيون
تملى الكفوف من التراب..وتحثي أحلامي

يتــبع ،، :)

[أكليـل آلـورد]

(بـــــدو)
ياحلو قدك يوم قدك تثنا
محد تغنى فيك خوف الإلحاد
حنا البدو يابنت هذا لحنا
نحبك اكثر..لاغدى حبك جهاد

(كــــرامة)
واقول للي يبي كرامتي..لاتهوم
لا أنتا..ولا ألف مثلك..يهدم اللي بنيت

(حـــايل)
ثالثة والديني..حايل أم الجدود
أمي اللي غلاها..عز مولودها

(جفــنين وأهــداب)
وشلون أنام وهم قلبي صوابه
والشوك ينبت بين جفنين وأهداب

(يا ليــت)
ياليت لا من قلت ياليت..عاد أمس
وإن قلت لو ماتبكي عيون وقلوب

(ذكــر)
اذكر الله..كل ماجا لذكر الله مجال
الشهادة حق..والله يصد الحاسدين

(ياطــاهره)
هذي الحقيقه..مايجي في الكون أطهر من يديك
وأنا الذي..أنقض وضوء الغيم..والما..الهبوب!!
انقل عيوبي..فوق متني..وانت لعيبك شريك
وباكر..تبسم لي وجيه..لك يعبسها الشحوب!!
ياطاهره..حنا..كذا..المظهر يكذب عليك
يمكن يجي..يوم يجي..أخجل من ظنونك واتوب

(المــوت)
ياموت واستغفر الله لو تعرف الحرام
ماكان أخذت الذي في موتته..موت قوم.


(ورثــي احرام)
غديت الشايب اللي عاصب راس الزمان الحرج
كبير حزم الدنيا على متنه ولا قامي
"شليلي"بالعفاف أبيض..على حالته يوم انسج
تدور الناس والدنيا..وأموت وورثي احرامي.

(اخشــى من خفي البوح)
أنا والله لولا الله واخشى من خفي البوح
حضنتك ميت واقفيت كود تعود متعافي
قطعت يديني الثنتين يوم شالتك في لوح
ويوم تدفنك بتراب..وتنفض باقي السافي.

(قلــب)
فيك قلب مايعرف إسم الحنين
وفيي قلب..لاحكو فيك إنكسر

(غــدر)
مايجرح الصادق إلا..غدر من يأمنه
لاجت من أحباب قلبك..لاتلوم السنين

(فخــر)
أنا اللي هامتي وراسي"اجا" ومتوني "السمر"الهوايل
وكن ضلوعي عروق "النفود"..وعاتقي "سلمى" وأفاخر

(زمــان الــذل..!!)
يازمان الذل
زل..
مابقى في الناس شيمة
وما بقى للعدل خل
ومن كثر ماحنا صغرنا
صرنا حتى بدون ظل
صرنا مانملا المحل
صرنا أمه تحتقرنا
كل أرذال الأمم
لاتصدق..ياعزيزي
بالعروبه والقيم..!!

(شمــوخ)
تصاغرت الهلا..من كبر قدرك..واعذر الترديد
لأنك شامخ مثل الجبل..له بالصدى حادي

(كفــوف)
أحلى شعور..معانق يدين خلان
فيه الكفوف قلوب..والروح تسما

(شمــس)
من يصدق بي..وانا الشمس عملي
مايذريها عجاج..جا بريح

(بيــاض)
أنا ماهمني سود القلوب..إن كان لي عندك بياض ظنون
تعلقت الوفا..وأثر الوفا من خلقته متعلق بيك.

(عيــوب)
يابنت..أنا ماني كذا..وظنونك تكذب عليك
كلي عيوب وماقوت تخجلني ظنونك واتوب

(خــراب)
عاد وش عاد لاصارت ضلوعي خراب
دام بين الضلوع انسان يستر هدومي


(مــوت)
كل قضاه يموت مره..ويفداك
وأنا أموت ألفين مرة عشانك


(حــل)
كان الفراق الحل..لا واخساره
يموت حب بين غالي وغاليه

(بـــغداد)
بس خلك مستريح
الصحيح
يوم هب الحقد من واشنطن ولندن
كذب بأسم المسيح
الكل فضل ينحني
وبغداد اختارت تطيح

(اليوم ذكرى الفراق)
الـيوم ذكرى الفراق ومرت اول سنه

الـيوم لـي عام متغرب وحيد وحزين

الـيوم انا ضيف جرحي جيت باطمنه

انـي جمعت الدموع وجبت امانة امين

مـا يجرح الصادق الا غدر من يامنه

لا جت من احباب قلبك لا تلوم السنين

مـليت مـن هالاماني دام مهي ممكنه

لاهـي تـحقق ولا ياسي بوجهي يبين

لـوين انا وانت مثل الشـــمس والازمنه

مـع كـل صبح يجددني لشمسك حنين

لا قـلــت احـبك احـبك كـنها دنــدنه

او كـنها وردة مـابين اصـابع جــنين

يـا اجـمل الناس لك بين الملا هيمنه

كـثير غـيرك ولكن مين مثلك ووين؟

يـا عـاذلي خـذ عيوني يمكن تثمنه

تـشوف عيبه وانا اشوفه ملاك حسين

امس افترقنا وانا احسب مرت اول سنه

يـا طـولها لـيلة الفــرقا سنة للحـــزين

(احساسي غريب)
الـلـيله احـسـاسي غـريـب

عـاشـق وانــا مـالي حـبيب

حـبيت ... كـل الـناس لاموني

حـبيت ... كـل احبابي باعوني

قـلـت احـب الـحب احـسن

قـلـت احـب الـحب اضـمن

لا احــــن .. ولا اتــــوه

ولا بـعـد فــي يـوم احـزن

رضـيـت بـاقداري ونـصيبي

صــرت مـحـبوب الـحبايب

وصــار كـل عـاشق حـبيبي

الــلــيـلـه غـــيـــر

شـــعــوري غـــيــر

اشـــواقـــي غـــيــر

حــتـى الاغــانـي غـيـر

صدري سما .. واحساسي ... طير


بـــس طـيـفك مـاتـركني

ظــل سـاكـن تـحت جـفني

كــــــان وافــــــي

كــان يـذكر .. وانـت جـافي

انــــــت ويـــنــك ؟

كـان هـذا الـفرق مابيني وبينك

جـيـتـني تـشـكي الـزمـن

وجـيـتـك أبـــي أدفـــى

لـقـيت فــي قـلـبي وطـن

ولـقـيـت بـــك مـنـفـى


وهذه نبذه عن شاعرنا رحمة الله وغفرانه عليه ..


رحمه الله وأسكنه فسيح جناته ..

انتهــينـا :)

[أكليـل آلـورد]

مــرحبــا

حبيـت أنــزل لـكم حيـاة الأمـير الشـاعر عبدالرحمن بن مسـاعد

http://www.9ll9.com/up/uploads/17e250d104.gif (http://www.9ll9.com/up)

أنتظــرونـي :)

[نــجــديــة]

موضوع رائع وتنسيق اروع تسلم ايديك اختي

[أكليـل آلـورد]

الـسـلام عليـكم

هـذه حيـاة الشـاعـر الأمـير عبدالرحمن بن مسـاعد

بقلم الأمير عبد الرحمن بن مساعد

عرفت أنني ولدت في باريس . وباريس مازال لها مكانة خاصة لدى عبدالرحمن بن مساعد . في السنة الأولى من الولادة (بعد شهرين تقريبا) .. انتقلت مع العائلة إلى بيروت . وفي هذا المكان اختزنت الكثير من الذكريات . أذكر جيدا أننا سكنا أنا و أبي و أمي و أخوتي في شقة متوسطة المستوى والحجم . هذا المكان يشحن الذاكرة بالكثير من البدايات وأطياف الطفولة .

بدأت المرحلة الدراسية , انتظمت في مدرسة تعتمد في تعليمها الأساسي على الجانب الإسلامي , والدي كان ومازال يهمه هذا الجانب , يهمه أن ينمي فينا الجانب الديني , ويعتبره عمود العلم .

ولم يكتف والدي أطال الله في عمره بالاعتماد على المدرسة , بل أخذ يدرسنا الدين الإسلامي بكثافة , من خلال حلقات دورية ولم يكن وجودنا في الخارج فقط هو الذي دفعه إلى هذا الحرص , بل لإن منهج حياته قائم على هذا الجانب.

http://www.9ll9.com/up/uploads/36b05a49d1.jpg (http://www.9ll9.com/up)

الأمير في شبابه

كان والدي يدرسنا بحزم , ولكن بلا قسوة , ويعلمنا بشدة لكن بلا ضرب , كان مثلا لا يقبل الخطأ اللغوي , وأي خطأ في التشكيل يعتبره جريمة كبرى تستحق العقاب , خاصة وأنه فصيح اللسان , ويمكن أن يلقي خطبة كاملة مدتها نصف ساعة دون أن يلحن .

حفظت القران صغيرا , وأفادني ذلك كثير , في ثقافتي وفي تربيتي , ولغتي وكذلك أخوتي .

بعد ثلاث سنوات تقريبا من دراستي في بيروت , قرر الوالد العودة بنا إلى الرياض , وكان الرحيل لأفارق ما يسمونها (مرابع الطفولة) .. وأعود إلى الوطن .

وأكبر تحوّل حدث في حياتي بعد الانتقال هو اكتشافي أنني (أمير) , لم يخطر في بالي يوما من قبل أن أكون في مثل هذه المكانة الاجتماعية , فالحياة التي عشتها سابقا تخلو من المميزات . ولكن طريقة الاستقبال , ثم المعاملة بعد ذلك أوحت إلي أنني أتمتع بمكانة خاصة , ثم علمت تدريجيا ماذا تعني كلمة (أمير) .. ما هي تبعاتها الاجتماعية ومسؤولياتها ؟ .. وعرفت بعد ذلك أن لي جدا عظيما تتحدث عنه أقاصي الدنيا هو الملك (عبدالعزيز) -

طيب الله ثراه- الذي سمعت ودرست سيرته العظيمة , وسكنت تتردد في عقلي .. ولم أستطع ترجمتها حتى أتيحت لي فرصة كتابة أوبريت الجنادرية , فوضعت الكثير من أفكاري في (كتاب مجد بلادنا) .


ولكن اكتشافي أنني أمير لم يخلّ باتزاني , ولم يدفعني لاستخدام صلاحيات لم تكن متوفرة لدي , فأنا أساسا عشت حياة بسيطة لم أحب أن أفرط بها , ولم أضغط على نفسي لأتعامل مع الآخرين برسمية أو تكلف , تمسكت بحياتي السابقة, وتعلمت الاندماج بالآخرين أفضل من الابتعاد عنهم بحجة الوجاهة أو الاحتفاظ بالمنصب, أو القيمة الاجتماعية ..

فالقيمة وجدتها ترتفع وتزداد كلما اقتربت من الناس, وفي الرياض كان الاحترام واضحا لمكانة الإنسان الاجتماعية.

علاقتي بأخوتي .. عميقة إلى درجة تستعصي علي التعبير, وفي الوقت نفسه هي وطيدة إلى درجة لا تحتاج إلى تعبير, فكل منا يعرف مشاعر الآخر تجاهه دون أن يقول, إذا رجع أخي عبدالله من السفر .. لا أسلم عليه بالأحضان والقبل .. فقط (يمسيك بالخير يا عبدالله ويعرف هو من دون أن أعبر له أنني افتقدته في الأيام الماضية واشتقت لوجوده بيننا, فالعلاقة ثابتة ولا تحتاج إلى تصنع .


http://www.9ll9.com/up/uploads/03ff59df57.jpg (http://www.9ll9.com/up)

عبدالرحمن مع شقيقة عبدالله

بانتقالي إلى الرياض وجدت وتيرة الحياة تسير بشكل أفضل وأعطتني الإحساس بالاستقرار والثبات, رغم أنني افتقدت وتيرة حياة عشتها, لكنني لم أتحسر عليها, الرياض أعطتني الإحساس بالأمان والقوة, وبيروت أعطتني الإحساس بالاختلاف, وحفزت مشاعري, وضختني بالمشاغبة. كنت في المدرسة متفوقا , ولكنني أهوى المقالب.


أتذكر أنني لا أحب حصة الرسم, لأنني لا أجيد هذا الفن , وفي إحدى الحصص فشلت في رسم ما طلبته منا المدرسة فقمت بسكب المحبرة على ورقتي , لكي أخفي رسمي السيئ . ثم أخبرت المدرسة أن زميلتي (أمل) التي تجلس بجانبي سكبت المحبرة على ورقتي, فنالت (أمل) العقاب .. ونفذت أنا !!


http://www.9ll9.com/up/uploads/9bea75fe9b.jpg (http://www.9ll9.com/up)

أمسية جدة 2000

كنت متفوقا في دراستي, واستمر التفوق عندما كبرت ولكن بتقدير أقل, فالتفوق لم يصبح هدفا بقدر هدف الاستمتاع بالحياة.

في بداية دراستي في الرياض واجهت صعوبة في التأقلم وتغيّرت أجواء الدراسة لديّ خاصة وأنني كنت في بيروت ادرس في مكان مختلط .. أما فقدت فيها ذلك الاختلاط بين الطرفين.

ولكنني تأقلمت بسرعة, لأنني كما أعتقد إنسان اجتماعي بطبيعتي.

لذلك أقول أقول أنني عشت طفولة طبيعية جدا, استمتعت بكل ما فيها على قدر ما سمحت به الظروف, وتفوقت وكوّنت علاقات جيدة, وكان أخي عبدالله يمثل قدوة لي, في قراءته, وشخصيته, كذلك أمي التي لعبت دورا مهما في تكوين شخصيتي .. فقد كانت تعاملنا بلطف وحزم في الوقت ذاته, تدللنا ولكنها لا تتساهل معنا, سواء في الدراسة أو التصرفات اليومية.

في طفولتي أحببت القراءة, قرأت ديوان المتنبي, وأبي كان حريصا على تنمية هذا الجانب, درسنا القرآن وحفظته, كذلك تفسير ابن كثير والتاج والأحاديث .. هذه مسلمات في القراءة لابد منها, ويكون التنويع في المجالات الأخرى. وفي رمضان خاصة تزداد قراءة القران بتشجيع من الوالد.

وبعد القرآن, بدأ اهتمامي الشديد بالشعر, بدءا بالمتنبي الذي حفظت الكثير من أشعاره فأصبحت أقرأ كل ما يقع تحت يدي.

وعندما بلغ عمري السابعة عشر, بدأت القصائد الشعبية تشدني.

عرفتها من خلال الأغاني, كانت ثقافتي عربية أكثر منها خليجية, في الأغنية لا أسمع إلا أم كلثوم وعبدالوهاب وفيروز .. ولكن قصائد بدر بن عبدالمحسن شدتني, فبدأت أتابع له بكثافة, لم يكن له ديوان ولكنني أقرأ كل ما ينشره.

بدر بن عبدالمحسن بالنسبة لي شيء عظيم, وهو الذي دفعني للكتابة, رغم أنني كنت أكتب بالفصحى, وأول قصيدة كتبتها بالفصحى عرضتها على مدرس العربي, فقال لي : إن معانيها جيدة, لكنها غير موزونة.

كان الوزن عائقا أمامي, لكنني تجاوزته, لأنني أملك أذنا موسيقية تكشف الخلل, فالموسيقى موجودة في حياتي بشكل أو بآخر, فأي وزن أحفظه أتمكن منه, وإن كان عندي قناعة أن الشعر هو فكر أكثر من وزن, لذلك لم يعد الوزن هو همي في الكتابة.

أتذكر أن التحول من كتابة الفصيح إلى العامي بدأ عندما أحببت لأول مرة, أحسست أن التي أحبها لن تفهم الفصيح ..

لكن هناك شيئا غريبا .. هو أنني لا أذكر متى خفق قلبي لأول مرة, ولمن ؟ لا أعرف من هي أول حبيبة في حياتي .. تخيلوا ؟!

ربما لأنني كنت أحب الحالة نفسها, وليس المرأة, ربما كنت أرغب أن أكون معذبا, فكانت البداية من هذا المنطق, وشعرت أنني يوما سأكون شاعرا جيدا.

استمريت في كتابة القصائد العامية .. حتى عرفني الجمهور من خلاله ..

:)

أنتظـرونـي مـع مجمـوعه مـن قـصائد الامــير الشــاعر عبدالرحمن بن مسـاعد

[Wda3K 7oB]

سلمت اناملك وافكارك الحلوه ياقلب حساس يالغاليه

موضوع في قمة الروعه

وتستاهلي التقيماخوك / وليدوه

[شرقاااااوي]

جاري تثبيت الموضوع

[بــــندوري]

(يوم الوداع)
يوم الوداع إتخيلي مالي حبيب أوادعه
محروم أنا واتخيلي محروم حتى من العذاب
يابنت لي قصه تطول بكلمتين موجعه
هي باختصار إني أنا اركض ويطردني السراب

هذاا اقرب شعر لقلبي من الراحل الملتاع طلال الرشيد
الله يرحمه ان شا الله

من كل قلبي اشكرك
يا قلب حساس

[أكليـل آلـورد]

مشكــوريـن عـلى دعمـكم لـي

والتثبيــت

تسلمــون

:)

[اســـــامـــــه]

والله فكره حلوه ياقلب حساس

والى الامام

[أكليـل آلـورد]

وكـما وعـدتكـم

هـذي بعـض من قصـائد الامـير عبدالرحمـن بن مسـاعد

•:*ღ*:•

(( لجـل أوصلـك ))


بافارق فراقك وبأخنق عبرتي
واجرح اضمادي وأسافر لك معك

بشد للماضي وأقدم ساعتي
وأعاند اعنادي وأقودك واتبعك

باجامل أحزاني وأجافي فرحتي
وأعادي خلاني واحبك وأخدعك

بصير أنا طبعك وأنتي طيبتي
وبيحزنك ضحكي..وأهلي بمدمعك

بسامر دموعي واعزي ضحكتي
وبهدي أنا ضلالي..ضلال ياسعك

بلبس أنا ِذلك.. وقيسي عزتي
وبتصيري ذنوبي وخيري بيطبعك

باحارب في ضعفي وافر في قوتي
والى رضختي لي لموتي بدفعك

ولجل القاء بارحل وتمضي رحلتي
والى حصل شوفك بكون مودعك

أببعد وأوصلك وبسبق خطوتي
وبنثرك فيني وأنسى أجمعك

بضم أنا هجرك في قربك وحدتي
وتدلك عيوني وقلبي مضيعك

وإذا اضلمت دنياي بطفي شمعتي
وإذا كثر زادي بجوع وبشبعك

شردتي رقادي وسمعتي نظرتي
وغمضت أنا عيوني لجل ما أسمعك

صرخت في سكوتي ولمستي صرختي
وقربتي وجهك لي لجل ما أصفعك

عند الحزن تثقل خطاكي دنيتي
وعند الفرح قالت خطاكي مسرعك

قصيدتي يكفي..غبية كذبتي
حبيبتي آسف بخونك ..بس معك


•:*ღ*:•

(( مســاء الخيــر ))

مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

هلا باللي يصيب العطـر بالريب يقول العطـر أنا زايـل ويبقى بي

هلا باللي يقول الورد وش لي به؟ من المهـدى؟ أنـا أو هو لأطيابي

هلا باللي علي يقسى وأمـاريبه هلا باللي أبـد مـا لان لعتـابي

هلا باللي عجـزت ألقى عذاريبه هلا بـاللي تـحبه كل أسـبابي

مسـاءٍ فاق كل الشعـر ترحيبه بجيّة مـن سـكن قلبي وأهـدابي

مساءٍ فاض بالاحسـاس والطيبه مسـاءٍ مـا يليـق إلا بأحبـابي

•:*ღ*:•

(( دخــون ))

هو فيه مثلك..ياللي الحسن ظلك
ليه العطر
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك..هو فيه مثلك..انتي ماغيرك عيون
وانا احبك .. وانتي انفاسك دخون
ياللي احبك..ليه احبك؟
او ليه ماحبك..وانتي علمتيني ان الحب كله اسئله ما تنتهي
ليه ما احبك وانتي علمتيني ان الحب لا غدا لمثلك ابد ماينتهي
ياللي علمتك عذابي والهجر..ليه ما احبك
ياللي علمتك تكوني..في ضعف ضعفك..اقوى مني
يا انتي ضحكاتك تغني..وابتساماتك شعر
يانتي ضحكاتك تغني..وكل ما شفتك اصر
انك اجمل من جمالك..من خيالك..من دلالك
على حبك انا..بقفل ابوابي
وبطيوفك انا..باسقي اهدابي
يا انتي..يا انتي احبابي
تصدقين..تصدقين..صدقي
قلبي لكي وحدك..صدقي
ماقوى على بعدك دقايق..بس دقايق
ياظلي .. يا داري
يا اجمل..افكاري..تظلمني لوتقولي اني عاشق..بس عاشق
ياللي وحدك تسمعي صمتي وكلامي
ياللي ضيك

..اتعب همومي وظلامي..صدقي اللي في قلبي لكي
اكبر افكار من القصيد والحكي
تصدقي انك اجمل في عيوني من جمالك من خيالك من دلالك
لا يالقلب الحنون لا تاخذك فيني الظنون


•:*ღ*:•

(( البــرواز ))

قلتيلي انسى
ومن يومها وانا كل ليلة..قدامي البرواز
حبر العيون ودمع القلم.. في دفتري
وصورتك..رغم الألم..ورغم انها خذت من اطباعك كثير
وخانت البرواز..اشوفها في خاطري
حبيبتي مابيدي حيلة
لاصرتي الصورة..وعيوني البرواز
وشلون ابنسى
اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين..
كانت جسد وبروازها الروح
ويوم انزعت منها الجسد..تجرحت اطرافها
وبجروحها راحت لمين؟
لبروازها الثاني!!
مسكين..بيسجنك ويبقى سجين
مسكين
تشبهلك اقداره..خانته
وصورتك يجي يوم وتخونه
حبيبتي..أو للأسف حبيبته
لاصرتي الصورة..وجفونه البرواز
وشلون ينسى
حبيبتي لجل أنسى جرحك واستريح..ببكي
وبعد البكى ..ببكي
وأكيد في لحظة بتجي..وبيجف دمعي
وعندها صورتك اللي في عيوني
بتموت من ظلم العطش..
بروازها بيصبح نعش
وبتمرني الدمعة الأخيرة ...تاخذ معاها صورتك وتطيح
وكني بالمسافة تطول مابين عيني..ودمعتي..وخدي
وكني بقلبي الحاير المسكين
نبضه يقول لا تودع الفرقى الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني..واكسر البرواز
واكيد ابنسى


•:*ღ*:•

(( شهـــر ))

ياللي تحبيني شهر..ثم تجافيني شهر
ثم تحنيلي شهر..وتفكري كيف الرجوع كذا شهر
وترجعيلي في شهر
ماقد خطر في خاطرك ..ان السنة اثنعشر شهر
وقتي معك نصفه هموم
ونصفه الباقي اسى..ولو طبعك القاسي نسى
وبالصدفه جاء مره صباح..وكلمه منك فرحتني
لابد ما همس الجراح ..تسمعيني في المسا
ولو تعتب اجروحي عليك..وتشتكي منك اليك
بترجعي تحبي شهر..ثم تجافيني شهر
ثم تحنيلي في شهر..وتفكري كيف الرجوع كذا شهر
وترجعيلي في شهر..ولا يجي في خاطرك ان السنة اثنعشر شهر
اعذريني لو اقول ..حبك نسى معنى الفرح
اعذريني لو اقول ..وشلون يذكرنا الفـــرح
مادام اذا كنتي قريبه..كل تفكيري يكون
بعدك متى..والى بعدتي ابلا سبب
الاكيد بترجعي..بس الاكيد هذا متى؟
ولو تعب مني الصبر..ومل من صبري العذول
وقلت ياناس اسألوها ..الحب هو كله هجر
ردك يجيني في شهر..
قالوا تقول "ماينتظر ..بس يشتكي
يصبر علي..ترى السنة اثنعشر شهر

•:*ღ*:•

(( تجــاعيــد ))

تجاعيد
في وجه الزمن صاروا
تجاعيد
رماهم حزنهم اوراق
خريف وعاث بالعاشق
عطاهم الأمل لحظات
ورسم أوقات الآلام
وللذكرى مواعيد
وتجاعيد
في وجه الزمن صاروا
تجاعيد
جروح تؤلم الإيلام
عذاب يضج باستفهام
متى قد كانت الدنيا مع العاشق؟
متى قد كانت أعظم خاتمة للحب
ماهي افراق
هذا طبعها الأيام
كذوبة كانت الأحلام
بالتأكيد
تفاؤل زاد في الإغراق
وصدق بهجته عشاق
خذلهم..بدل ضحكهم تنهيد
وتجاعيد
في وجه الزمن صاروا
تجاعيد

•:*ღ*:•

(( سـألتــها ))

سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام

و تنتظر شمس اللقا و ما تجي شمس اللقا
ومشوار ما يعرف وصول
و لحظه بها كل الفصول
و قلب واحد يحترق
و بعض الصدق
و وقت عصيب و يتبعه وقت عصيب
و لين يتعدى الصباح
و جراح تدمى لو تطيب
و في الأخير .. خل عن خل افترق
و في الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
و الليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ماللألم فيني حدود
قالت صدق ...

•:*ღ*:•

(( أمــي ))

اسألو دمي ..وسعادتي وهمي
اسألو التوفيق..والكدر والضيق
اسألو الطيب في صفاتي..والدعاء اللي في صلاتي
واسألو شهودي..الدموع اللي في سجودي
اسألوهم..واسألو دمي ..عن غلا أمي

•:*ღ*:•

(( قـالوا تــرى ))

قالوا ترى مالك امل في قربها لو يوم
ابعد وجنب دربها ..هذا هو المقسوم

قلت اتركوني واسكتوا..خلو العتب واللوم
قدني غرقت في بحرها..ولاعاد يفيد العوم

قالوا ترى في حبها ويل ..واسى..واهموم
قلت ان قتلني حبها ..حسبي تقول مرحوم

قالوا انسى ذكرها..منتب بها ملزوم
قلت ابشروا ياعذلين..بنسى لذيذ النوم

قالوا بتلقى غيرها..واترك هواها اليوم
قلت العفو ياحسدين ..ما ابدل القمر بنجوم

قالوا لغيرك حبها..قلت الجواب مفهوم
دام انها متهنيه..وشلون اصير محروم

بقضي الليالي انتظر..صابر على المقسوم
متعلق بطرف الأمل .. يمكن يجيني نوم

قالوا ترى مالك امل ..في حبها لو يوم
ابعد وجنب دربها..وهذا هو المقسوم

•:*ღ*:•

(( المــبادئ ))

..بدء ذي بادىء
..هذا تعريف المبادىء

..كل وقت ..وله أذان
..الزمان..غير الزمان

..ياكلام الليل..يمحيك النهار
..باختصار

..المبادىء ..شىء تحكمه الظروف
..مثل طفل ..ترتبك في الحروف

..ما اجمل أغلاطة
..المبادىء ..للأسف

..كلمة مطاطه
..بدء ذي بادىء

..يا بايع إحساسك
..وش احساسك

..وأفكارك لغيرك
..ياشاري إحساسك

..وش احساسك
..واحساسك لغيرك

..ليتك توصف متعتك
..لاخذت من غيرك مشاعر

..تدري لو تقدر ترى
..ماهو بعيد تصير شاعر

..كيف الخلاص..من ناس تغتال الشعر
و حد القصاص في كل سرقة..البتر

..الا الفكر
..بدىء ذي بادىء

..هذا تعريف المبادىء
..يا بايع أموالك ..لفقرك

..وللعذاب اللي في بيتك..ودمعة عيالك
..ليت توصف متعتك
..ليت أوصف ضيقتك

..لو جرى لك
..في القمار ..اللي جرالك
..ليت نعرف

..متعتك أو ضيقتك
..أيهم اللي بقالك؟

..يا بايع أعصابك ..لخمرك
..ياكثر ماحرت بامرك

..يابايع الصحة..لخمرك..أو سمومك
..وش يفيد أني ألومك

..!كيف تلقى متعتك..لا ضاع عقلك
..وبان بين الناس ذلك

..وكيف تسعد في شعورك
..وانت خارج عن شعورك

..يا بايع اعصابك و وعيك
..ياللي تهرب في عذابك
..من عذابك

..لو بغيت في يوم
..تهرب من هروبك
وش هو احساسك؟

..بدء ذي بادىء
..هذا تعريف المبادىء
!يابايع بلادك ..بكم كان الثمن؟

..يا بايع بلادك
انسى المباني ..والبيوت..والحب الأول
..انسى غبار المدرسة..و وجوه اصحابك

..انسى فؤادك ..وميلادك
..وارمي ورا ظهرك

..كل العبارات الكبيرة
..عن الوفا ..والتضحية

..وعن حب الوطن
..يا بايع بلادك
..لو كبروا أولادك

..وكان السؤال في عيونهم
..!سجنك وجلادك

!"احنا يابوي من وين؟
!وش هو احساسك؟

يابايع آخرتك..يالعاصي القاسي
"..اسمع نصايح صاحبك "ابليس
"لا تترك التدليس

اظلم ولا تفكر في باكر
هيم في العصيان جاهر

واختار من بين الذنوب
.. مايسعدك
..ولاسار عمرك للغروب
..لاتتوب
..لا تحسب للعمر
..ولا تفكر بالقبر
..ولا العذاب
..توك شباب

هذي نصايح صاحبك ابليس
يابايع آخرتك بدنياك

لا عدمناك
لو عدمناك
وش هو إحساسك

•:*ღ*:•

(( فقيــر ))

فقير وعندي المال الكثير

فقير وملبسي غالي حرير

وياصاحبي الحافي الفقير

ابنشدك ابسئلك وشهو الحصير

وابسئلك وشلون انا امر وانهي

واذا حكيت قبل انتهي من كلمتي

يقاللي سم ويصير

ولاشكيت من غفلتي طول زمنها

يقاللي لاتشتكي ماخلقت الشكوى لأمير

وابسئلك وشلون انا مع كل ذا

!!!اقول عن نفسي فقير؟؟؟

ياصاحبي لاصار لضحكه ثمن

وصارو اصحابي كثيربس بثمن

والوفاء مابه وفاء الا بثمن

ابسئلك ماني فقير ؟؟؟

ولاصارت اقوالي حكم

ولاقالها غيري غدت .. حكي قديم

ابسئلك ماني فقير؟؟

ولاصرت انا مانيب انا

ولاغلطت قالو صحيح وكل شي اعمله يصبح عظيم

ابسئلك ياصاحبي ماني فقير؟

وياصاحبي ابنشدك لمن جفتني دنيتي

وابتدا الدرب الطويل الى ابد ماينتهي

وانتهي العز القديم وماكنت اظنه ينتهي

والموت بدد فرحتي .. وحطوني في قبر صغير

وحزنو علي وبكو هلي وناس من ربعي قليل

وارتاح من وجهي كثير

وبقيت وحدي في حيرتي مابه احد

لاطال عمرك ولاتحت امرك

ماغير انا وخوف ولحد وحساب قدامي عسير

وقتها ذكرت اني من زمان

يوم انه امهلني الزمان

هذا ظلمت هذا جرحت ياما كذبت

وذنوبي ماتحصي كثير

وقتها الا ندمت ونفسي كرهت

عرفت ان الله كبير وان الهلاك اصبح اكيد

واني انا مالي رجاء..ولاهروب من الدجاء

من الجحيم الا بأمل عندي وحيد

ان الله غفار ورحيم

ابسئلك ياصاحبي عني في وقتها

ماني فقير؟؟؟

•:*ღ*:•

(( أصــدق مـاكتبـت ))

انتي..تدرين من انتي
تدرين انك لي غديتي كل شي

وانك غديتي شمس ليلي وفي الهجير الفي
وانك اصدق ماكتبت

وانك احزاني وفرحي ..لاضحكت وانجرحت
وانك غديتي ياعذابي اغلى من حبي علي
قبل الحب يا ما كذبني القصيد

وبعد حبك صار يكتبني القصيد
هو يوصفك بسمة وطرف
وأنا اعشقك في كل حرف

منك شكالي..وصف حسنك اتعبه
وانا شكيتك ..وعشقي لحبك اعجبه

ومهما شكى ومهما وصف
انتي احلى ماكتبت..انتي اصدق ماكتبت

وانتي احساسي وجرحي..لاضحكت وانجرحت
وانك غديتي يا عذابي اغلى من حبي علي
.....!تدرين من انتي

•:*ღ*:•


يتبـــــع

:)

[أكليـل آلـورد]

تــآبعِ

•:*ღ*:•

(( أخطــيت ))

أنا مدري وش أحساسك

ومدري وش تظنيني

انا الصادق في عينك كنت

صرت الكاذب الخوان

انا اخطيت ما انكر ولافي عذر يكفيني

سوء اني احبك حيل واني دايماً انسان

انا ادري بمدى جرحك

وادري الحظ جافيني

يطول الوقت ما أخطي

واذا اخطيت كل شي بان

انا شفت الزهر مايل

وظنيته يناديني

قطفته يوم ضميته لقيته للأسف

ذبــلان

عرفت انك زهر عمري

عرفت انك بساتيني

وغيرك قيظ مايروى سراب يشقي العطشان

انا لو ماحصل ماكان وشو الى يدريني

بأنك ماسواك أنتى سكنتى القلب والوجدان

انا اسف على اعذاري

عجزت القي عذر فيني

يليق بغلطتي في حقك ويرجع كل شي كان

احبك كثر أخطائي

وادري انك تحبيني

وادري لو تفارقنا فلانقدر على النسيان

اذا تقوي على فراقي وبعدي عنك

خليني

انا مليت من دور الكراره

ولعبت الغفران

قليل العمر يالي انتي دموعك ماتساويني

حرام انه يضيع فراق هي من قلها الإحزان


•:*ღ*:•

(( البحـــر ))

على مدى الأيام .. كان البحر بالنسبه لي

هو البحر

رمل .. امواج..صخر

كان البحر بالنسبه لي بس البحر

وعلى مدى الايام ماقد لمس فيني المشاعر

الا ذاك اليوم.. يوم انك معي

يومها كان الوداع

وكان البحر دفتر والموج بيت من شعر

وبيتٍ ورا بيت وموجه ورا موجه

تكتب قصيده حبنا

وتمحي الجراح بجراح

ومثل الفرح في دنيتي كان الفجر

عمره قصير .. وبكل حب اهدى نسيمه وراح

وتشرق الشمس ..لجل الخلايق كلها تقرا

قصيده حبنا

ويومها ماكان للشمس اي نور

وبعض السبب كان الوداع

وباقي السبب انتي خذيتي .. من سماها النور

ولجل الصدق .. يومها كنت انتي الشمس

وكان البحر عينك .. ودموعك امواج الشعر

وخدك الدفتر

آه يالقى ماخذت من طبع البحر

..ماللبحر آخر

آه يالفراق .. ماخذت من ذوق الفجر

يمرنا عابر

وآه يالعيون الى انا منها عرفت

ان البحر دفتر وان القصيد امواج

وان الغرام شاعر

•:*ღ*:•


(( يـوميــات مـواطـن عـربي ))

السبت 000

ديون 000 وأمراض 00 وكبت

الأحد 00

منذ اللحظه الأولى 00

والى الأبد 00

ينادي 00 ولا يسمعه أحد 00

الأثنين 00

القافلة تسير 00 لكن الى أين ؟؟

لا جواب يصدم 00 ولا كلاب تنبح 00

الثلاثاء 00

أصبح ثرياَ 00وازداد عدد الأثرياء

مات خمسه وأربعون مريضا 00

من ندرة الدواء 00

الاربعاء 00

احتفال 00 صاخب 00فاخر 00معطاء

شعر 00وفكر 00وولائم00

وخطابات وثناءات00

وجمع من الأدباء00

هو احتفال مكلف 00 ولا يكاد ينتهي 00

لكن ما يأتي به 00من سمعة00

جدير بالعناء00

قرية صغيرة هناك00أهلكت من وطأة الوباء 00

الخميس00

كل شيء سعره الى ارتفاع00

الا المواطن التعيس 00

قاتل الله 00 00 00 ابليس

الجمعة00

اجازه من مجتمع طيب السمعه 00

حكمة السبت

قل لكل من تخشى 000أصبت

حكمة الاحد

اذا طرقت الباب 00وقيل من ؟؟

قل: لا أحد

حكمة الأثنين

انظر بلا عينين00 واسمع بلا اذنين00

وانطلق بلا لسان 00 ولا شفتين 00

حكمة الثلاثاء

الثروه تاج على رؤوس الأثرياء00

لا يراه الا المرضى والفقراء00

حكمة الأربعاء

اللهم قني خير الأصدقاء00

حكمة الخميس

يقول الله سبحانه 00

وأخذنا الذين ظلموا بعذاب بئيس

حكمة الجمعة

العن الظلام 00لن يجدي أن تشعل شمعه


•:*ღ*:•


(( النظــرة الخجولـــه ))

.. مـا سـألتـوا صـاحـب النظـرة الخجـولـة

! .. كيـف يـسـهـرنـي ولـه وجـهٍ صبـوح

! .. كيـف يظـلـمـني وله طـهـر الطـفـولـة

.. كيـف يـفـتـنـّي وهـو دايـم يــروح

.. وكيـف أنـا ألقـى ربـيـعه فـي فصـولـه

.. دام كـذبـه صـادق وصـدقــه مـــزوح

.. لـه صـفـاتٍ تـورد العـاشــق ذهـولـه

.. مسـتـكـيـن صـامـت وكـلـّه جـمــوح

.. أصـعـب الأشـيـاء و أكثـرهـا سهـولـه

.. أغـمـض الأشـيـاء و أكثـرهـا وضــوح

.. سهـل تـغـرم بـه وصـعـب إنك تنـولـه

.. غـامـضٍ طـبعـه وواضـح فـي الجـروح

.. أسـعـد بشـوفـه ولكـن مـا أطـولـه

.. كنّـي الـوادي وهـو أعـلى السـفـوح

.. يـبتـسـم لا مـنهـم عنّـي حكـوا لـه

.. ولا حكـوا لـي عنه أعـمـاقي تـنـوح

.. لـي بقـلبـه شـيٍ لكـن مـا يقـولـه

.. ولـه بـقـلبـي كـلّ و لكـنّـي أبــوح

.. كنّـه الغيـمـه و انـا أرجـي هطـولـه

.. مـا نـزل غـيثـه ولا بـرقـه يـلــوح

!! .. مـا عـرفـتـوا ليـش تسهـرني فعـولـه

!! .. وليـه يـسكـنّـي وهـو دايـم يــروح

.. هـو يـبـيـني بـسّ أطبـاعـه خجـولـه

.. ومـا يـبـيـني أغـفـا وهـو وجهـه صبـوح

•:*ღ*:•

(( الصبـــر ))

الصبر...مالي انا الا الصبر
الغدر...وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفاء في قلبها ماله قدر
واني انا محتاج مني الصبر
ياقلب ابي منك العذر..وان مارضيت مالي جدى كود الصبر
ياجرحي في كل الدهر فارقت انا الدنيا
ياطعنة وسط الظهر لابد انا انساك
بنسى ان كل اللي راح..بنسى الفرح لجل الجراح
بنسى قصيدي والشعر..بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر..مالي جدوى كود الصبر
ياللي خذلتي مدمعي..ان كان ودك ترجعي
عندي طلب..لاترجعي
ياللي خذلتي مدمعي ..وتنسي السعادة والفرح
وتتعذبي وبعد العذاب تتعذري


•:*ღ*:•

(( عجــب عجــاب ))

عجب عجاب .. طيبة قلبها أبيض سحاب

أخلاقها مامثلها .. أخلاقها

أخلاقها تنتظر عشاقها

ومايجون

ياهي جريحه طيبه .. لكن جريحه

عجب عجاب

وسيم أنيق شاب .. كسبه حلال مشروع ماجرب الجوع

ناجح مركزه مرموق

ورغم هذا الحزن ساكن عيونه

ماتت امه .. وحبيبته كانت

تــخـــونـــه

عجب عجاب كثر الفقر ماله

كلاً يبي قربه ورضاه

رغباته قوانين وزلاته صواب

الناس حوله من شمال ومن يمين

يأمر يــطــاع

الدول تحسب حسابه

والكل يخشاه ويهابه

لاكن مريض ياعذابه

ممنوع يأكل لو أكل جايز يموت

عجب عجاب

مرتاح الضمير لاسرق لاظلم لاحسد

عنده قليل أصحاب

قلبه كبير بيته صغير

والمرض عن صحته بعيد

عنده ثلاث اطفال

أحمد وايمان ويزيد وامهم

وكثر السماء يحبهم

لاكن فقير مالقاء لصوته مسامع

مايملك الا طيبته وملح المدامع

ولو مادفع مبلغ حقير

ينطرد هو والعيال وامهم في الشوارع

عجب عجاب

عبقري في الطب ملحد

عجب عجاب

شاعر عظيم داخله فارغ

عجب عجاب أمير كذاب

عجب عجاب ملايين البشر

تعبد بقر

عجب عجاب

ماتصلي فرضها وتلبس حجاب

ياصاحبي عطني يقينك والظنون

؟..من ودك تكون

•:*ღ*:•

(( الحــرامــي ))

احترامي.. للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تَعدى محيطه
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي
احترامي.. للحرامي
احترامي.. للحرامي
صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي
احترامي.. للحرامي
احترامي.. للحرامي
صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي
احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد
من عمومي للخصوص
احترامي
للصوص

•:*ღ*:•

(( مـاأظـن ))

ماأظن الصبح .. يدري باليالي

وماأظن الليل يعنيه الصباح

وماأظن في يوم قد زارك خيالي

وماأظنك حاسباً عمري الى راح

ياقديم الظلم مافارقت بالي

ومافي بالك لي سوى هم وجراح

لو همومي تسعدك.. زد لاتبالي

ولو معي اخطيت اطلبك السماح

تبعد دروبك اذا اقبل وصالي

ولجلك دروبي يضيق بها البراح

رغم بعد البعد جرحك هو ظلالي

كنك الرامي وفرقاك الرماح

يالغرام السجن والسجان غالي

والسجين يخاف اطلاق الصراح

لو هو في الأوراق قدر الغصن عالي

بتاخذ الاوراق اقدار الرياح

للكسر غصنك وانا يمضي بي حالي

ولضمى اورقي خلق ربي قراح

بسبقك لصبح مليت الليالي

واتركك في لليل ناسيه الصباح

•:*ღ*:•

(( سيــد جــرحــي ))

سيد جروحي شمس عمري وظلي
البعد طول والخطأ منك واضح
اذا غرورك يمنعك تعتذرلي
تعال جنبي وابتسم لي واسامح
تدري احبك لكن الموت ذلي
ادوس انا قلبي لو الشوق جامح
الله عطاك الحظ واصبحت خلي
والله عطاني اياك طاغى ملامح
سألتني يا ياسميني وفلــــــي
ياكيف يشفى الورد..والشوك جارح
مثل العيون اللي لها كل كلي
زايد حلاها لكن الدمع مالح
وش تنتظر يكفي دلال وتغلي
الوقت ماهو للوصل دوم سانح
مادمت ترحالك ومادمت حلي
ان صرت انا خسران ماصرت رابح
لا تعطي الفرصة لعذالنا اللي
لكل ماهو يهدم الحب طامح
مالك صبر عني ومالي تسلي
والوقت خيل صوب الاجال رامح
سيد جروحي شمس عمري وظلي
الحب بعد وقرب ..مخطي وصافح
اذا غرورك يمنعك تعتذرلي
لاتعتذرلي قول اسمي واسامح

•:*ღ*:•

(( مـردخــاي ))

سمعتوا قصة مردخاي
من زمان قالوا لأخوكم مردخاي
"مردخاي هذا زمانك جاي"
شفت هالخوان قاتلهم..خذ أرضهم..اهدم منازل بعضهم..وشردهم
غير معالم ارضهم..واطمس ملامحهم ..فرقهم وتصير سيدهم
وامسك بتلمودك ودينك..وبعثر مبادئهم
وبعد ماتزرع بذور الحقد فيما بينهم..وتحصد مشاعرهم
قد ماتقدر حيد اكبرهم..رد له كامل حقوقه
واعزف على اوتار فرقتهم
واضرب أغناهم بافقرهم
حاربهم بهم..واشعل معاركهم
وبعد مايستنزفوا قوة بعض
خذ مابقى منهم ..وفاوضهم
فاوضهم على الفتات
واذا عطوك حق الفتات..رجع لهم ربعه
وســــــالمـــهم
هذي قصة مردخاي سيد الزمان الجاي
عــــاجبــــكـم

•:*ღ*:•

(( تعــبت ))

.. تعبـت أنـزف جراحـي حبـر و أدور للألـم أسبـاب

.. لجـل أكتـب شـعـر يحكـي بعض أصغـر معاناتـي

.. قفـلت من الأسـى بابـي وسجنت الكون خلف البـاب

! .. وعـصـتني دمـعـٍة فيـهـا سـؤال لكـل اجاباتـي

.. مـلل أخبـار حسّـادي أحـد صـادق واحـد كـذاب

.. و أحـد مـا طـال تـجـريـحي و أحـد عـايش لزلاتـي

.. أنـا شـاعـر رغـم أنـف الحسـد والحقـد و الأحبـاب

.. و انـا يـا حاسـدي المسكـين بعيـد العيب عن ذاتـي

.. أنـا مـا زادنـي شعـري ولا زادتـنـي الألـقـاب

.. تجـي دنيـاي أو تدبـر عـزيـز فـ كـل حـالاتـي

.. أنـا فـرحـي لمِن حـولي وأيـامي فـدا الأصحـاب

.. قـصيـدي بـلسـم المجـروح ونبض النـاس أبياتـي

.. كسـرني قـلبـي المكسـور نادت دمعي الأهـداب

.. تعبـت أركـض ولا أوصـل ولاتـوصـلني غـاياتـي

.. أي ذلٍ يـغطـي الأرض لـك يــا رب يــا وهـاب

.. وابـي أحيـا جبـيـني فـوق مـا تمـلكني رغباتـي

.. من الدنيـا أنـا مابـي سوى عـفـو العلي التـواب

.. ويحسـن خـاتمـة فعـلي ويغـفـر لـي ضـلالاتـي

.. " أبمـلا العمر "بالتوبة" و "نوح" و "هود" و"الأحـزاب

.. متى كـانت سنيـني عمـر انـا عمري في ركعاتـي

•:*ღ*:•

(( تحــضنــه ))

تحضنه لجل تضحك للي وراه

وماهمها لو شافها

.. غايته اسمى كثير من العتاب ومن الغضب

تحضنه وفي بالها

.. ذاك الى اعطاها الرقم

في ليلهٍ كان النهار

.. فيها بقايا سكرته

وللأسف انه نسي يكتب لها

كم غرفته

تحضنه وفي يدها ساعه ذهب

كان اشترها لها البارحه

لجل تعرف كم مساحه غرفته

•:*ღ*:•

(( يــاكــاعب ))

يا كاعب الطبع الفريد 000ياللي في صدقك تكذبي
يا أقدم الكيد الجديد 000 كيد انسجن منه نبي
يا جاريه تملك عبيد 000 يا مقيده تسبي سبي
القوه في ضعفك تبيد 000 وسلاحك الدمع اسكبي
ما يعجزك قاسي عنيد 000 الكهل يصبك بك صبي
ينصاد ويظن انه يصيد 000 ويصدقك هذا الغبي
ويظن انه الفذ الوحيد 000 ما يدري انك تلعبي
مسكين هالجاهل بليد 000 ظنك بوصله ترغبي
ان جاك اقفيني بعيد 000 وان صد عنك تقربي
وان شفتي اخلاصه يزيد 000 في حيرتك تتقلبي
وان بان لك فجأه سعيد 000 من هالسعاده تغضبي
وان قلتي عني لا تحيد 000 وطاوعك تستغربي
وان قلتي فراقك أريد 000 وغاب عنك تندبي
ياطالب الراي السديد 000 يا حاير بطبع الظبي
أقرب من حبال الوريد 000 وابعد من المجد الأبي
وأوضح من أنوار تقيد 000 واخفى من النمله دبي
الشك فيها الأكيد 000 وغموضها به تختبي
شف فعلها يحكي ويعيد 000 الغدر شيمة مذهبي
زادي النكد به استزيد 000 والمكر صافي مشربي
البعض ينصاني مجيد 000 والبعض يحبيلي حبي
ضعفي قوي وذلي عتيد 000 يا ليت اعرف مأربي
شف فعلها برجل شديد 000 تلقى طلبك ومطلبي
تعطيه بعض اللي يريد 000 وتاخذ جميع اللي تبي
أستثني من هذا القصيد 000 كل النساء بكوكبي

•:*ღ*:•

(( كبــريـة ))

فرقة موسيقية
كمنجة بثلاث اوتار..قيتار..ثلاث طبالين
اورق ..ناي .. شاي
فرقة موسيقية
يجون..كل ليلة يجون..ومع أول الصبح يسرون
لجل ثاني ليلة يجون
هم يعزفون

..وما يعزفون في مكان تسمع فيه الناي قانون
ازعاج .. صجة .. دجة
ايقاع خليجي غالبا مقلوب
ايقاع خليجي دائما مطلوب
شباب..بنات ترقص..والعطر في اول الرقصة حلو
وفي آخر الرقصة هبوب
غناء وطرب..عرض وطلب
وحد يغني ..بدلته تلمع..يفترض فنان
ياليلة دانة لدان
قرقعت كيسان..دخان..ما اسعد الشيطان
ضوء خافت..كل شي حلو والضوء خافت
كل شي كذب والضوء خافت
وفي اطرف الصالة..هناك اثنين
-واحد يقول "شفت هاذيك الطويلة اللي ترقص
-الثاني "وين؟
-"هاذيك اللي مع حسين
"واعدتها البارحة وجتني

..مالومها حبتني..اعطيتها الفين
"مسكينة هي

..ماودها تجلس في ملهى..بس انها تساعد اهلها
الثاني قال:"كل البنات اللي هنا تساعد اهلها
غسان..غسان .. مدير هالصالة
ركض غسان .. وصل فلان..وصل المهاب..معاه عشر اشخاص
ركض غسان "اهلين وسهلين

..شو هالحلو..يخزي العين
الفرقة تنهي الأغنية.. وتعزف بسرعة
"حمد الله ع السلامة ..يجاي من السفر
أحلى طاولة للمهاب..طاولة على البست
لفلان اللي من اسبوع كان لابس البشت
اليوم على البست
غسان قلقان..مضت ساعة..ومانقط أحد
نادى "ياجارسون" وحط يده في جيب البنطلون
"خذ هالألفين

..على المغني ارميها..وشاور على فلان
ادريس قام "فلان ينقط وانا لا..ياللاهانة..والله لنقط
- "يادريس لا

..هذي فلوس التذكرة..وشلون نرجع..السفر بكرة
ادريس قال "بكره اروح لفلان احلف له (انسرقت فلوسي

..الاوتيل غالي..وانا معي عيالي) وارجع انقط
جارسون هناك يحكي مع زميله
غسان قال "الفواتير ماتنزل الا آخر السهرة
الحق معه..بهذا الوقت ..مافيه احد يقرأ
جوزيف وين..اليوم فل..ودوه للشرطة..غسان شافه يسرق من النقطة
والكل عارف..الثلث للفرقة..والثلث للنمرة..والثلث للصالة
وكله لغسان
طلعت الشمس..الساعة ثمان
الكل سكران..الكل تعبان
ماعدا غسان "قفل الصالة ..الوعد بكرة

•:*ღ*:•


(( بهــو فنــدق ))

..بهو فندق

..بلد غربي

..في فصل الصيف

..على ميعاد أو صدفة

..جمع أجناس مختلفة

..ولافيهم أحد وافق

..أحد ثاني

..على تعريف للمنطق

..بهو فندق.. فيه الناس مكتظة

..فخامة تكسي الجنبات

..نادل يحمل الطلبات

..على أواني من فضة

..هنا تجار يحكوا أسهم وسندات

..هنا سمسار

..هنا شاعر.. هنا بنيّات

..هنا فلكي

هنا صاحب سمو حركي

..هنا لاعب كرة بارع

..هنا فنان.. هنا متعهد السهرات

..هنا يحكوا عن الأوضة!.. هنا يحكوا عن الموضة

..!!هنا يحكوا عن السادات

..وبركنٍ ماهو للصفوة

..بجنب الباب

..كرسيين.. حوار يدور بين اثنين

..حيل أصحاب

..ملامحهم تودّي يمّ.. شرق أوسط

..وهيئتهم.. وحالتهم.. بسيطة أو بعد أبسط

شف سايح من اليابان.. يداعب آلة التصوير -

..يغازل آلة التصوير

سايح هذا يا غلبان ؟ -

..هذا السايح البارح

..كانت صورته تحكي

..في صدر الصفحة الأولى

..يقولوا خامس أغنى شخص في العالم

..وأظن أنّه .. وربي وحده العالم

..جمع هالمال والثروة

..من استيراد أو تصدير

..نسى الكاميرا على الكرسي

لا يا شيخ.. مثل هاذول.. ما ينسوا -

صدقني نسى الكاميرا على الكرسي -

..لا والله.. رجع خذها

ظنك وين هو رايح؟ -

..أكيد يزور له متحف

..سخيف

..!هوايته أسخف

..شفه.. مستني يمّ الباب

وش ينظر -

!أظنه ينتظر تكسي

..!ركب تكسي

..أقول عدنان: فاخر حيل هالفنجان

..خذ شايك قبل يبرد

أقول أحمد: هذاك هناك.. هو من هو..؟ -

..أي واحد -

..! هذاك اللي معه واجد -

..تخطرف إنت.. أو عميان

..هذاك فلان

..هذاك اللي كلامه منتهى الحكمة

..وجوده مثل غيث السحب

..هذاك اللي لأجله ترخص أيامك

..وتقضي النحب

هذاك اللي يهينك وانت تتلقى

..إهاناته بصدرٍ رحب

..هذاك اللي شعورك نحوه مبيّن

..مزيج من الولا والحب

..هذاك اللي إذا لا قدّر الله راح

..يغطي حزنك الدنيا

!!......وتهمس.. راح ابن الكلب

كذا يا أحمد..؟

شايفني أنا.. منافق

..أنا مسمح ولا أوافق

..تظن إني بقلب أسود

..كذا يا أحمد-

..لا تزعل.. أنا آسف.. أنا آسف

..ترى الدعوة سوالف

..شف هذا خفيّف دم

..يضحك هذا .. من هذا

..خفيّف دم

..! ويعطونه

يعطونه..؟ -

..يعطونه -

..ويرجع باكر لهذا.. يقطع ذاك

..يشرشح أصله وفصله.. بخفة دم

ويعطونه..؟.. -

..! يعطونه -

..ويرجع بالأخير.. ضاحك على هذا وعلى هذا

أقول أحمد: ظنك هو رصيده كم..؟! -

..دقيقة صمت.. فرضها جيّة النادل

..يشيل الشاي

..!ويقول إنّ العصير.. اللي يبونه لحظتين.. وجاي

..شف الشاعر -

..هذيك الحلوة تضحك له

أي واحد..؟ -

..شفه واقف.. يوقع دفتر لطفلة -

..تخيّل ياخي يقولوا

..بإنه يشتري شعره من الشاعر

..! اللي الشاعر المشهور يكتب له

..ياحظه.. وسيم مشهور

..ياليتي أكون مثله -

..قوم نتصور معه

قوم نتصور معه..؟! -

..ما باقي سوى هاذي

..نكبر راس هالمغرور

..خفيف أنت.. وغبي أحمد

..ودايم فيك هالعلة

..أقول عدنان -

..ترى صاير طويل لسان

..أحمد ياخي لا تزعل.. ترانا اخوان

تعوّذ بس من الشيطان..؟

..وأنا آسف.. وترى الدعوة سوالف

..فخمة حيل هالكيسان

..اشرب.. لا تزودها

..ترى يبيّن عليك تعبان

..شف مو هاذي صاحبتك

..هلا والله.. إلاّ والله صاحبتي

..تدري..؟ تموت هي فيني

..يا رجال.. خليني -

..خادعتك.. تراها والله خادعتك

..أقول أحمد: عشان انسرقت فلوسك-

..من زبيدة

..صرت تشوف كل وحدة

..هي زبيدة

..يا عدنان.. خادعتك -

..أنا قصدي لمصلحتك

..شفها تكلم الرجّال

..أي رجّال.. أخوها ذاك

..يا عدنان.. خادعتك

..أقولك ما تبي غيري

..يا عدنان.. طع شوري -

..مشاعرها.. وهم.. كذبة

..حمد .. احترم نفسك -

..افا عدنان.. تمد يدك علي -

..وهذي السبّة

..صفعه دوّت بركنٍ

..قريبٍ من هل الصفوة

..عراكٍ في بهو فندق

..جمع أجناس مختلفة

..مافيهم أحد وافق. أحد ثاني

..على تعريف للمنطق

خارج صالة الفندق.. شرطيين

..يقودوا بالحديد اثنين

ملامحهم تودّي. يمّ شرق أوسط

..وهيئتهم.. بسيطة أوبعد أبسط

..كانوا أصحاب

..في داخل

..بهو فندق .. بلد غربي

..في فصل الصيف

•:*ღ*:•

(( الشـــاعر الأول ))

قــرّر التـاجـر يـكـون الـشـاعـــر الأول

افرحـوا يـا اهـل القصيـد وجهـزّوا السـاحـه

سـهـلـّوا الأوزان لـ اجـل المـبـدع الأفضـل

بـعـد إرهـاق الـعـمـل يـحتـاج لـه راحـه

فـاضـي هـو يـوزن ؟ .. كـلامـه كامـل مـكـمّـل

يكـفـي انّـه لـ اجـلنـا يكـتـب عـن جـراحـه

الكـسـر فـاسـمـاعـكم وادراكـكـم يجـهـل

عـبقـريـه فـرحتـه والـفـن فـي نـواحــه

جـدّدي لـه يـا صحـافـه عـهـدك الأمـثـل

وارسـمـي الأشعـار صـحـرا وشعـره الواحـه

واكـتـبـي عـنـه العظـيـم الشـامـل الأشـمـل

كـان يـحـتـاج الشـعـر جـهـده واصـلاحـه

واسـألـي كـيـف ومـتـى وهـل كـان أو يعـقـل

! عـمـرنـا مـن غـيـره فكـره تكـمـل افـراحـه ؟

ويـن "نـوبـل" عـن قـلـم مـن أشـرق واشـعـل

ظـلـمـةٍ كـنـّا بـهـا أفـنـاهـا مـصبـاحـه

مـن يـقـول إن الشـعـر فـي وقـتنـا مـبـهـذل

سـعـرنـا عـقـب الـخسـايـر زادت اربـاحــه

لحّـنـوا الشـعـر البـديـع الأصعـب الأسـهـل

واعـرضـوه بكـل شـاشـه ليـل واصبـاحــه

وادفـعــوا للـي شـدا للـشـاعــر الأجـزل

مـبلـغ وقـدره "كـذا" يستـاهـل صيـاحــه

ابـشـروا يـا مطـربيـن الدفـتـر الأجـمـل

يكـفـي عـن مُـرّ السـؤال وذل إلحـاحــه

دفـتـرٍ فيـه القصـايـد تشتـري الأخـطـل

وعنتـر يضحّـي بعبلـه ويـرمـي سـلاحــه

دفـتـرٍ فيـه المـعـاني فـي الـيميـن اسـفـل

!! أقـوى أبيـاته : فـقـط لا غيـري فـي السـاحــه

•:*ღ*:•

(( اســأل الاعمــى ))

اسئل الاعمى .. ان كان في نومه يشوف

ليه يصحى

واسئل الى مادرت عنه الهموم

الى درا ان العمر محدود

وان الفرح مهما اختفى.. موجود

اسئله ليه ينوم؟

وان جاوبوك اسئلني ليه حنا افترقنا

ياصاحبي مابه سبب لفراقنا

غير اننا جينا بزمن ماهو زمنا

ياصاحبي مابه سبب لفراقنا

غير اننا في حبنا عشنا الصدق

وفي وقتنا وشهو الصدق

في وقتنا لجل القاء تكذب

ولجل تاصل ماتبي تكذب

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه

دايم تهيم فلي بعد عن سكتك

والي زهد في محبتك

والي فيدك ومتحمل جروحك معك

مايهمك تنساه

ولو تقتله مايالمك وبقدامك تاطاء على دماه

ياصاحبي وقتنا في اوله ضيعنا اولا القبلتين

وفي آخره الله اعلم وش بيبقى

في وقتنا صار الغدر شيٍ عظيم

والوفاء ماظنتي ان كان بتدور بتلقى

ياصاحبي في وقتنا اطول مسافه ممكنه

تمشيها بين النقطتين

الخط المستقيم

ياصاحبي في وقتنا وقت الالم

من يسمعك مهما حكيت

من ينصفك مهما شكيت

منهو الى مايضحك اذا ذلتك دنياك وبكيت

ياصاحبي في وقتنا

ماللمشاعر ناس

ياصاحبي في وقتنا لبعض القلوب احساس

ياصاحبي في وقتنا وقت الكلام

وقل الفعل لامات احد وانتقل لعلا رفيق

من طيبنا نحزن عليه

نصلي عليه

ناصل معه للمقبره

وفي المقبره غير الدعاء وقولت الله يرحمه

مابه كلام وندفنه .. ولادفناه نبكي

بدون دموع او بدموع

المهم بعد مانبكي نتركه ونروح

وتلقانا نقول مسكين يافلان مسكين

من دنيتك وش الى خذيت؟

وبعد باب المقبره بشبرين

واقل من الدقيقه لامن دخل فينا الزحام

من طيبنا نضحك ونسمع اغنيه

لجل نتسلي في الطريق بين المقبره والبيت

ياربي سبحانك يالي تجير من العذاب

قلوبنا وش صابها ؟

في وقت غدا بين الحياه والموت

وبين البكاء والضحك

شبرين ودقيقه وباب

ويدنا الي قد حثت في وجه ميتنا التراب

هي نفسها الى بعد شبرين واقل من الدقيقه

اختارت شريط وحطته لجل تقتل طول المسافه

بين المقبره والبيت

ياصاحبي في وقتنا احسن كثير

من بعضنا

في المقبره على الاقل ميت وندري

المشكله متنا ولالحين ماندري

ياصاحبي في وقتنا ضاع احترام الموت

في وقتنا حكينا ما اكثره

وللأسف كل الحكي من غير صوت

وان كان به فم صدق

وسمحو يحكي بصوت مانسمعه

ياصاحبي قدامنا كان اختيارين

يانجاري وقتنا ونكذب ونخدع نفسنا

يانفترق لان الفراق في وقتنا

هـــو الـــصــدق

افــتــرقــنــا

ياصاحبي كانك تشك في اسباب الفراق

دور لك اعمى واذا صحى اسئله

ان كان في نومه يشوف ليه صحي

وليه أفترقنا

•:*ღ*:•

(( أستـــاهلك ))

ابسألك عن حالنا انتي وانا
ياللي احس..انك انا
حالنا ما هو غريب
انا نكون متأكدين ان الفراق ما هو بعيد
بالرغم من جرح السنين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر .. بأستاهلك
وان النهار اللي في خدودك يخلي النسمة عطر..بأستاهلك
وان العذاب اللي في عيونك يعلم الناس الشعر..بأستاهلك
ولو قلتلك اني احبك اكثر من هموم البشر
وكثر الجفاء وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
بأستاهلك.. حبيبتي
وباجاوبك ..للاسف ما به احد يستاهلك

•:*ღ*:•

(( مليــت ))

قالت لي مليت..ودي بحد غيرك
جمع جروحك..لملم مشاويرك
واذا قضى صبرك..جرب صبر غيرك
لو اشغلك وعذبك طيفي..ابكي
واذا بكيت اكتب بدمعك شعر اشكي لمراسيلك
وبوعدك اذا صرخ جرحك ونادى..دمعتي تنزل عليك
بضحك على ايامي معك..واخذ على قلبي عهد مايخلص لغيرك
اعذرني..مليت
ماتبيني ملت الصدق المشاعر..يانور ايامي وسنيني اللي مضت
يالظلام اللي بيديني..مابقى فيني بقايا اتركيني
سل الحزن لغدرك خناجر ومالقاني فيني
وجرحي نادى..يامحاجر الدمع مايكفيني
ضاعت بداياتي..بقيت نهاياتي واسأل اجاباتي..هو أنا اخطيت
هو بقى في اللي بيجي ياليت..ماتت اجاباتي
قالت لي..مليت
يا اكثر جروحي الاخيرة..لو عرفتي اليوم قلب ودعك
يا آخر جروحي الكثيرة..ماعرفتي اليوم ما عاد اذكرك
وما اذكر من اللي مضى..الا غرامك والفراق
بعض اللقاء والاشتياق
وكل الاحاسيس الصغيره
يابرد عمري وياهجيره..تخطين لو يخطر في بالك
انك في بالي كل دقيقة..وانك خيالي والحقيقة
واني احبك مهما كنتي..يابرد عمري وزمهريرة
ان كان قلتي اني فقدتك..ماصدقتي
وان كان قلتي مانسيتك..ماصدقتي
لو عرفتي مااذكر من اللي مضالي الا انتي
وما اذكر من اللي مضى الا انتي
وما اذكر الا اني بكيت
وفي ليلة مافيها وفاء..قلتيلي مليت
يا انتي اخر أولي..لاتصدقي اني نسيت

•:*ღ*:•

مـا أنتهينـا بـاقـي آخـر قصيـده

وهـي من أروع مـا قـرأت لـ الشـاعر عبدالرحمـن بن مساعد

•:*ღ*:•

(( تعــــاريــف ))

الاقتصاد
ناس تزرع من فجر ربي 00
الين الشمس تغرب 00
وناس تصحى في العشا 00
تتولى تقسيم الحصاد 00
***

بغداد
حضارة شاهقه
وأمجاد 00
أقدار صلفه 00
وشعب يفاخر بنزفه 00
وتحتاج الحكايه لص 00
يصير الأقوى بالصدفه 00
ويكون القاضي والجلاد 00
وبحسن اعداد 00
وقدرة فائقه 00
في البطش والتنظيم 00
وبداعي خوفه 00
الأطماع 00 والتقسيم 00
والأنواء 00
يقسم شعبه لأجزاء00
جزء يعيش في المنفى00
وجزء ف عيشته منفى 00
ومواطنين 00
معززين مكرمين 00
مقرنين00
في الأصفاد 00
بغداد00
خبر لو أنها أنداد 00
مدينة 000بائها بوابة التاريخ
ودالها 00 دنيا من الأمجاد00
سنين صلفه00
وشعب يفاخر بنزفه 00
وتحتاج الحكاية لص 00
يصير الأقوى بالصدفه00
ويوطد حكمة الأوغاد00
!!بغداد
***

السجون
هي مكان 00
لعزل من يخرج على القانون
وان غدى القانون جائر 00
تصبح القضبان دنيا 00
تعزل الخارج عن المسجون 00
***

النفاق
رغم اختلافك00
تبقى آرائك00وآراء الذي تخشاه00
دايم في اتفاق00
أو نقول:هو انتمائك 00
كل فتره لانتماء00
أو نقول : هو ارتماء00
أو بمعنى آخر نقول : النفاق00
هروله صوب اليهود 00
وبكا على أطفال العراق 00
***

السراب
وهم ما هو ماء
لكن يعطي 00للظامي أمل00
احساس مفعم بالرجاء00
والسراب ينادي : يا ظامي تعال00
ما بقى الا خطوتين 00
وتنعم برشف الشراب00
أو بمعنى آخر 00
نقول : السراب00
الوعود اللي قطعها 00
المرشح للمرشح في انتخاب 00

•:*ღ*:•


انتظــرونــي مـع احسـاس و شــاعـر جديـد :)

[اســـــامـــــه]

نتظر جديدك ياقلب حساس

اتحفتينا بهذي الكلمات

الاكثر من رائعه يسلموووووووووووو

[mr.abooode]

الله علليك قلب حساس وربي مبدعه

[أكليـل آلـورد]

أسـامـه

هـلا بـك واللـه يسلمــك

:)

[أكليـل آلـورد]

الله علليك قلب حساس وربي مبدعه

هـلا بـك عبـداللـه

تسلــم مـن ذوقــك :)

[B A S e M]

و الله إبــدآآع !!

تنسيــق جميـل ما شــاء الله :)

مجهـودك يستـحق التقييــم .. بعـد التثبيت طبعـاَ !!


http://www.saudinokia.com/vb-pic/baltofeq.gif

[أكليـل آلـورد]

و الله إبــدآآع !!

تنسيــق جميـل ما شــاء الله :)

مجهـودك يستـحق التقييــم .. بعـد التثبيت طبعـاَ !!


http://www.saudinokia.com/vb-pic/baltofeq.gif




تسلــم بـاسـم

:)

ومشكـور ع التقييـم

:)

[أكليـل آلـورد]

:

:

*
*


بسم الله الرحمن الرحيم
صباح الشعر العذب ..
وصباح المشاعر الرائعة .. !


بتكلم اليوم عن [ شاعر ] !
ولكنه شاعر من [ كوكب آخر ] ! ..


هو بأختصــار [ أسطورة ] ..
وقصة بطـولة .. بمفردة .. !


هو [ مدرسة شعرية ] يتخرج منها الكثير .. !
هو علم من أعلام الشعر السعودي .. !


هو [ العلامة الفارقة ] ! في الشعر ..
هو من حصل على لقب [ شاعرن القرن ]
بالمملكة العربية السعودية .. !


هو الأمير الفارس الشجاع
[ أحمد بن محمد السديري ] !


فحبيت في الموضوع هذا اسلط الضوء
على جزء بسيط من سيرتة الكبيـــــــــرة .. !
ولكن ليس بـ طريقتهم ! ..
بل على [ الذاكرة ] !

http://www.9ll9.com/up/uploads/6d9cec264b.jpg (http://www.9ll9.com/up)

.. [[ بـــدايــــــاتـة ]] ..


ولد هذا الأمير الفارس .. في محافظة [ الأفلاج ] بليلى !
وكان والده أميراُ عليها .. وتنقل مع والده .. بين مدن المملكة .. !
فكانت حياته قصة من [ الترحال ] ! والتنقل و [ البطولات ] ! ..
فكان فارس يعشق ركوب [ الخيل ] ! ولكن بطريقة [ خرافية ] !
حيث عرف عنه .. بأنه [ شبية الـريح ] !
فأذا قدم على خيله يكون كالبرق .. أو الصاروخ .. !
فكانوا يعتمدون عليه .. في الحروب والمواجهات .. بدرجة كبيرة .. !
وأيضاُ كان يعشق [ المقناص ] !


أعجب به الملك الراحل عبدالعزيز .. فأختاره أميراُ على مدينة الجوف .. !
ومن هناك أثبت وجودة .. !


فكان حلال للمشاكل في كثير من الأحيان بحنكتة .. وخبرته .. ودهاءه .. !
ثم تنقل بين اماراة المدن من مدنية الى أخرى .. !


الجدير ذكرة بأنه الأمير الفارس .. يعتبر خال
للملك الراحل فهد بن عبدالعزيز
وللامير سلطان بن عبدالعزيز
والأمير سلمان .. واخوانهم .. !


.. [[ شعــــره ]] ..


حصل على لقب [ شاعر القرن ] بالمملكة ..
بكل جدارة واستحقاق .. !
فهو شاعر من الطراز النادر والرفيع !


تغنى له فنان العرب [ محمد عبده ] !
بالعديد من الأغاني التي لا زالت بالذاكره ..


منها الرائعة المشهورة [ يقول من عدى ، وحبي لأهل نجد ، ويا حمامة الخ .. ] !
حيث شكل مع محمد عبده ثتائي خطييييير .. !


للأسف رغم انه شاعر كبير واسطورة ..
الا ان دواوينه الشعرية لم تطرح بالشكل المطلوب .. !


حيث تزامل الامير الراحل .. مع الشاعر الكويتي [ طلال السعيد ] !
فحفظ عنه طلال السعيد الكثير من القصايد .. والتي لم ترى النور الى
الان رغم انها [ ثروة شعرية كبيره ] لا يستهان بها .. !


فللأسف طلال السعيد .. أخفى هذه الروائع بحجة انه سيدونها
ويجمعها وتتطرح بديوان من ( اعداده ) .. !


ورغم مطالبة ابناء الراحل لطلال بقصايد والدهم .. !
الا انه لم يستجيب لهم !


فخرج مؤخراُ .. ابن الراحل .. وذكر بأنه ذهب للكويت
لمقابلة طلال السعيد .. !


ولكن في كل مره يهرب طلال .. !!!!
وهذا دليل على ان النيه لدى طلال ليست بطرح
ديوان للراحل .. بل لسـرقة اعامل الراحل ..
أو الأستفاده من هذه القصايد في قوة معانيها
وقوة القافية والمعنى .. !


وكتابة قصايد له على نفس النهج !
لكي يوهم الساحة الشعرية بأنه شاعر [ فحل ] !

[أكليـل آلـورد]

.. [[ أروع قـــصايدة ]] ..

.. (( 1 )) ..


يقول من عدا على راس عالي=رجم طويل يدهله كل قرناس

في راس مرجوم عسير المنالي=تلعب به الارياح مع كل نسناس

في مهمة قفر من الناس خالي=يشتاق له من حس بالقلب هوجاس

قعدت في راسه وحيد لحالي=براس الطويل ملابقه تقل حراس

متذكر في مرقبي وش غدالي=وضعقت بالكفين ياس على ياس

اخذت اعد ايامها والليالي=دنيا تقلب ما عرفنا لها قياس

كم فرقت ما بين غالي وغالي=لوشفت منها ربح ترجع للافلاس

يقطعك دنيا ما لها اول وتالي=لو اضحكت للغبن تقرع بالاجراس

المستريح اللي من العقل خالي=ما هو بلجات الهواجيس عطاس

ماهوب مثلي مشكلاته جلالي=ازريت اسجلهن بحبر وقرطاس

حملي ثقيل وشايلة باحتمالي=واصبر على مر الليالي والليالي والاتعاس

وارسي كما ترسي رواس الجبالي=ولا يشتكي ضلع عليه القدم داس

يابجاد شب النار وادن الدلالي=واحمس لنا يابجاد ما يقعد الراس

ودقه بنجر ياظريف العيالي=يجذب لنا ربع على اكوار جلاس

وزله الى منه رقد كل سالي=وخله يفوح وقنن الهيل بقياس

وصبه ومده ياكريم السبالي=يبعد همومي يوم اشمه بالانفاس

فنجال يغدي ما تصور ببالي=وروابع تضرب بها اخماس واسداس

لاخاب ظني بالرفيق الموالي=مالي مشاريه على نايد الناس

لعل قصر ما يجيله ظلالي=ينهد من عال مبانيه للساس

لاصار ما هو مدهل للرجالي=وملجا لمن هو يشكي الضيم والباس

بحسناك يامنشي حقوق الخيالي=ياخالق اجناس ويامغني اجناس

تجعل مقره دارس العهد بالي=صحصاح دوِّ دارس مابه اوناس

البوم في تالي هدامه يلالي=جزاك ياقصر الخنا وكر الادناس

متى تربع دارنا والمغالي=وتخضر فياض عقب ما هيب يباس

نشوف فيها الديدحان متوالي=مثل الرعاف بخصر مدقوق الالعاس

ونثير على البيدا سوات الزوالي=يشرق حماره شرقة الصبغ بالكاس

وتكبر دفوف معبسات الشمارلي=ويبني عليهن الشحم مثل الاطعاس


.. (( 2 )) ..


هذي قصيدة مهداه الى صديقة الخاص (( زبن بن عمير العتيبي ))
رحمة الله ..


يازبن ودعناك في يوم الاثنين=لعلها لك ياخو صنعا مسافير

بجيرة الله ياعشير الغلامين=يامقفي عنا ذكرناك بالخير

نغليك يوم إنك بعيد عن الشين=وريف لضيفك في ليال المعاسير

يوم تغيبه عندنا قدر عامين=ويوم نشوفك فيه عز وتباشير

هذا الفراق اللي نظرناه بالعين=وعز الله انك ناوي بالمحادير

يازبن يالبراق بالله الى وين=واسلم ورد العلم يازبن العمير

حيث تتضح قوة التأثر في الوداع في أبياتة !



.. (( 3 )) ..


القصيدة هذي بها من (( الحكم )) و (( الأطلاع )) و (( العقل )) و(( التجارب ))
الكثير الكثيير .. !


قصيدة للتاريخ والتاريخ فقط .. !



لولا الهرم والفقر والثالث الموت=يالأ دمي بالكون ياعظم شانك

سخرت ذرات الهوى تنقل الصوت=وخليتها اطوع من تحرك بنانك

جماد تكلمها وهي وسط تابوت=تاخذ وتعطي ماصدر من بيانك

وعزمت من فوق القمر تبني بيوت=من يقهرك لو هو طويل زمانك

لولا الثلاث وشان من قدر القوت=نفذت كل اللي يقوله لسانك



هنا تتضح الحكمة .. فلو ان الدينا بلا موت وفقر وكبر ..
لكان الأنسان (( عظيـم )) .. !



.. (( 4 )) ..


هذي القصيدة يتغنى في محبوبته (( نجد )) .. !


أن كان بي عذروب حبي لاهل نجد = أحبها وأحب شمة هواها

أحبها يــوم انهـا ديرة المجـد = دار تمكن بــالضماير غــلاها

دار غـــلاها باجد مهــجتي بجد= دار لنا دار ظلالي ســـماها

ان غبت عنها الحقت وجد على وجد = متذكر عقب البطا برد ماها

ياما غدا فيها مهار لهــن رجــد = من فــوقها صيد تروي قــناها

،،،،،،،

يتــبــع..
:)

[أكليـل آلـورد]

.. [[ أبيات للتاريخ فقط ]] ..



.. (( 1 )) ..


الحب عند الناس له سلم وحدود
وحبٍ مثل حبي عظيم ٍ جهـــاده !



.. (( 2 )) ..


انا حياتي كلها صبر وجلاده ..
وغيري عايش عيشة سعـاده .. !!



.. (( 3 )) ..


لا خاب ظنك بالرفيق الموالي ..
مالك مشارية على باقي الناس .. !!



.. (( 4 )) ..


ليت ربي ما خلق حب وافراق
والا خلق حب على غير [ فرقااا ] !



.. (( 5 )) ..


كأنك تبي تشوف القهر بصورته صح ..
شفت دمعة [ الفرقا ] على خد [ رجال ] !

.. (( 6 )) ..


لولا ( الهرم ) و (الفقر) والثالث (الموت)
يالآدمي بالكون يا عظم [ شأنك ] !


.. (( 7 )) ..

المستريح اللي من العقل خالي ..
ما هو بلجات الهواجيس عطاس
ماهو بمثلي مشكلاته جلالي
ازريت اسجلها بحبر وقرطاس .. !!

.. (( 8 )) ..



أنا من نجد يكفيني (( هواهـا )) ..
ويبري لوعتي شربي لماها !

،،،،،،،،،،

يتــبـع..

:)

[أكليـل آلـورد]

.. [[ وفــــاتـه ]] ..


توفي الأمير الفارس .. بعد ان ازداد عليه المرض ..
ولكن موتته كان موتت الأبطال والأساطير .. !


فتنقل بين المستشفيات ولكن دون جدوى .. !
فهو في كل مره يذهب للعلاج ويعود سالماٌ معافا .. !


وفي المره الأخيرة .. حينما وافته المنية ..
كان يرقد بأحد المستشفيات وبجانبة احد ابناء
ويدعى [ سلطان ] !


فألتفت الأب لأبنه .. وقال آخر بيت له في حياته .. !


سلطان شفت ( الموت ) مره ومره ومره ..
لكنه يا أبوك بالثلاثة كشر [ أنيــابه ] !


يتضح لنا الوصف وقوة البلاغة حتى
وهو في اخر لحظات حياته يصارع الموت .. !

اسطورة ولد وتوفي كذلك .. !


اتمنى اني كتبت لو الشي البسيط
عن حياة هذا الأمير الفارس .. !


واللي عنده اضافه يضيف ..
وبخصوص الصورة لم اجد سوى هذي ..

http://www.9ll9.com/up/uploads/d495f28230.jpg (http://www.9ll9.com/up)

[«[حـطمـوك يـاقـلبي]»]

يعطيك العافيه على الطرح المميز

http://www.w6w.net/album/35/w6w2005041313550868f6a f025.gif

[أكليـل آلـورد]

يعطيك العافيه على الطرح المميز

http://www.w6w.net/album/35/w6w2005041313550868f6a f025.gif


اللـه يعـافيـك

ولآعـدمـت المـرور الـرائـع

:)

[الطائر المهاجر]

قلب حساس

اولا الله يعطيك الف الف الف الف الف الف مليوووووووووون عافيه
والشي الاخر هو انك :

فكرتي
فرتبتي
فانجزتي
فابدعتي

والله مو مجامله .... نعم هذي هي المشاركات الاكثر من روعه ... لو عندنا مثل همتك العاليه اثنين كان المنتدى هيكون غير.... عموما يسلمووووووووووو على الطرح والمجهود والى الاماااااااااااااام دووووووما
الطائر المهاجر

[أكليـل آلـورد]

قلب حساس

اولا الله يعطيك الف الف الف الف الف الف مليوووووووووون عافيه
والشي الاخر هو انك :

فكرتي
فرتبتي
فانجزتي
فابدعتي

والله مو مجامله .... نعم هذي هي المشاركات الاكثر من روعه ... لو عندنا مثل همتك العاليه اثنين كان المنتدى هيكون غير.... عموما يسلمووووووووووو على الطرح والمجهود والى الاماااااااااااااام دووووووما
الطائر المهاجر

تسلــم أخـوي الطـائر المهـاجر

لآعـدمـتك

هـذا واجبنـا والمنتـدى يستـاهل كـل خيـر

الابــداع منــكم واليكــم

:)


دمــت بــود ..

[اســـــامـــــه]

الله على الابداع والتميز

هكذا عهدناكي ياقلب حساس

يسلموووو

لا تتاخرين علينا مثل هذي

[أكليـل آلـورد]

الله على الابداع والتميز

هكذا عهدناكي ياقلب حساس

يسلموووو

لا تتاخرين علينا مثل هذي


تسلـم أخـوي أسـامـه

لاعدمــت هالمـرور

:)

[أكليـل آلـورد]

الســلام عليــكم ورحمــة الله وبركــاته

اخــواني واخــواتي هـا نحن نجــدد العــودة لكم بعد غيـاب
ونـأسف على هذا الانقطاع الغـير إرادي .. :)

نعـود لكم عبـر هـذه الـزاوية الخـاصة لنـزف لكم شــاعر جـديد
يطـل على سمــاء سعــودي نـوكيـا..
واليــوم شــاعرنا معــروف بأسلــوبه الشعــبي

ألا وهو الشاعــــر / حـــــامد زيـد





حـامد زيـد سعـدون فـارس العـازمي من مـواليد الرابـع من فـبراير من سنـة 1977 م ..

الحــالة الاجتماعـية متـزوج ولـديه ثلاث بنات < اسمـاء وسـارة وريـم >

حاصل على شهاده دبلوم تجاري من كلية الدراسات التجاريه ،

عضو ديوانية شعراء النبط الكويتيه بدرجة شاعر ممتاز ،

موظف في وزارة الشؤون الاجتماعيه والعمــل ..




كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد .
والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب

( قنبلة الشعر, شاعر المختلف, شاعر الشباب, شاعر المطولات, شاعر الخناجر )




اقام العديد من الامسيات بالكويت ومن اهمها

امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري

امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد

امسية هلا فبراير بتاريخ 16 فبراير 2004 بمشاركة الشاعرخالد المريخي

امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي

امسية معرض الكتاب وكانت بمشاركة الشاعر رجا القحطاني فى عام ديسمبر 2000


الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :

(خلف بن هذال العتيبي) من المملكه العربيه السعوديه

(محمد عبدالعال) من مملكة البحرين

(هادي القحطاني) من دولة قطر

(خالد المعنى) من سلطنة عمان

(محمد المر) من دولة الامارات العربيه

ومن الكويت كل من :

(محمد عبيد العجمي)

(سعود الفهد)

(شنوف الهرشاني)

(طلال السعيد)

(وشاعرنا)

بالاضافة الى العديد من الامسيات والمهرجانات فى كثير من المحافل فى الكويت




ومن اهم الامسيات التي شارك بها الشاعر خارج دولة الكويت

أمسية مهرجان عباده وإستفاده فى المدينه المنوره فى 25 يونيو 2001

أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001

أمسية أتحاد طلبت الكويت بالقاهره في اكتوبر 2000

أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003

أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان

أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز

أمسية أمريكا ... اللتي اقامها الشاعر بواشنطن

وله (6 ) إصدارات وهم :

ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينه

والاصدار الرابع للشاعر حامد زيد والشاعر خالد المريخي واسمه امسية هلا فبراير 2004

والاصدار الخامس للشاعر حامد زيد والشاعر سعد علوش واسمه امسية أبو ظبي

والاصدار الأخير للشاعر حامد زيد وهو ديوان مطبوع بأسم يقولون مالا يفعلون

//
\\
//

يتـــبــع

:)

[أكليـل آلـورد]

°l||l°•أنــتِ ولاشـيّ•°l||l°

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ



/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\

°l||l°•أهــل الجنــوب•°l||l°

وعيني اللي كل ما ذعذع من الغرب هبوب

يحلا لها لون الغروب اللي يذوب قبالها

ويا ويل حالي كل ما يحلالها لون الغروب

تطري لي الريم اللعوب وسالفة ترحالها

وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها

من سافرت ريم الفلا صديت عن كل الدروب

ما هو قصور بالعذارى بس ذيك لحالها

من فارقتني ما خطف قلبي من الحور محبوب

ولا لقيت الجادل اللي تستحق احيالها

لأن القلوب ان ما وفت لأحبابها ما هي قلوب

والعشره اللي ما ترد الروح ما نسعى لها

إما الوفى اللي يستر الرجّال من كل العيوب

والا الجفى اللي يستر عيوب العرب في رجالها

ما اقسى من فراق الجنوب الا فراق اهل الجنوب

ويلي على اللي كل ما تزعل تشد رحالها

اللي مذيره العتب لا شبت بصدري شبوب

عييت اراضيها وهي عيت تطول بالها

كانت معي مثل النصيب يحدني من كل صوب

كانت دروبي من متاهات الظلل لظلالها

كانت هروبي لا شعرت اني بحاجه للهروب

كانت سماي اللي ليا ضاقت علي ألجالها

ليه اتحداني وانا في كل الاحوال مغلوب

ليه حرمتني من قهر عذالي وعذالها

ليه اتجاهلني وانا لاني جبان ولا كذوب

ليه ارخصت دمعي وانا اللي ما بكيت الا لها

ما ترحم اللي له سنه كأنه على النار محطوب

ما هزها دمع الفقيد اللي بكته أطلالها

ما خافت تهدم السنين اللي بنتنا طوب..طوب

ما فكرت تشفق على حالي وترحم حالها

قولوا لها لو ما تذوب انا بخليها تذوب

قولوا لها لو ما عنت لي مستعد اعنالها

إليا ادمحت لي هالخطا بدمح لها كل الذنوب

وإن جابت الحسنى معي تبشر بعشر أمثالها

أفرش لها صدري وطن وأجمع لها ضلوعي شعوب

وأرقى لها المكانه اللي ما حد(ن) يرقى لها

إن كاني مخطي فأنا ماني خليّ من العيوب

الذنب يغفر والبشر تجزى بقدر أعمالها

البعد قاسي والفراق يضيق الصدر الرحوب

وانا تعبت ادور الحيله وارد احتالها

قولولها ترجع ترا ماني على الحزن مغصوب

وإلا ترا نذر(ن) علي انه ماهو ب أشوالها

إما تجنب هالهبال وتترك البعد وتتوب

والا بتبشر بالهبال اللي ما هو بهبالها

كافي زعل ترا الظروف مقفله من كل صوب

وأنا حملت من الهموم انواعها واشكالها

يكفيني اني كل ما هبت على صدري هبوب

تحن عيني للجنوب وتلتفت بلحالها

والمشكلة اني كل ما حنت عيوني للجنوب

تطري لي الريم اللعوب وسالفة ترحالها

وعز الله اني كل ما تطري لي الريم اللعوب

حرمت امد ايدي على حاجة وانا ما اقوالها


/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\

°l||l°• قــرم وفقيــر •°l||l°
منك العذر وعلي المعذره

لا تحسب حساب هجر ولا هجير

كل ذنب بتذنبه بستغفره

واحد(ن) ما يعذرك ما فيه خير

دور بصدري وطن واستعمره

عندك من الضلع الأول للأخير

عيش فيني وادمر اللي تدمره

واعتذرلي واعتبر سرك ف بير

لا تبشرني بجرح وتذخره

لا تعشمني بفرح وتستخير

ولا تنومني بليل وتسهره

ولا تنام الا وانا جفني سهير

خلني مثل النجوم مبعثره

عيش فيني لا شهيق ولا زفير

لا تقول العفو عند المقدره

خل قلبك صلب وحسابك عسير

المسامح والزعل للمبزره

والا انا لاني زعول ولا صغير

ودي ادري ليه للحزن ثمره

ودي اقطف من قساوتك العبير

ودي اجفل من فراقك واحذره

ودي اعرف لو زعلت شيب يصير

لو تقدر خاطري صدق اكسره

لو صحيح تحبني لا تستشير

ازرع بقلبي سبب يستنفره

اثبت انك غير وان الناس غير

شاعرك ما كل بنت تجرجره

حارت ابه عقول ناس(ن) ما تحير

النسا ما حركوا فيه شعره

ثار عشق وما لقى شي يثير

لو سكت شفت الوقار بمنبره

وان تكلم زمهرير بزمهرير

ما يحضر إلا القلوب مجمهره

وما يغيب الا وعشاقه كثير

إن هجرته تستقر بمحجره

وإن تبعت رضاه ما عينت خير

إعشقه لكن بعد ما تقهره

إبتسم له بس لا شفته كسير

حن لكن حن لا جبت خبره

حب لكن خل حبك بالاخير

لو عطيته وجهك أعطاك ظهره

صد عنه ويتبعك مثل الضرير

لا تحاول تكسبه ما تخسره

صير ثلج يصير لك مثل السعير

ما تميل الا الغصون المثمره

وما يسيل من الجروح الا الغزير

من قبل ما تنقهر منه اقهره

قبل لا يستحقرك خلك حقير

اسكنه حرك جموده بعثره

اعشق اكره عاتب اشره حن غير

انثره لملمه.. لملمه انثره

صد.. ياخي طير لو تقدر تطير

من متى وانا اتحرى لي مره

تثبت اني لا وقعت اوقع كبير

ابك انا مقطوع من غصن شجره

لا صديق ولا رفيق ولا عشير

بدوي(ن) شيب الصبر شعره

ما عرف ريش النعام ولا الحرير

إن غفا كأن السحاب يدثره

وإن صحى يفرش من الرمضا حصير

ماخذ(ن) من قسوة البيد أكثره

ومن شموخ البدو شر(ن) مستطير

جنته صحراه والشوك زهره

والسراب بنظرته مثل الغدير

إن فزع يا مشجعه يا مظفره

من خلقه الله وهو قرم وفقير

كان ما تقدره قل ما تقدره

صير غالي صدق والا لا تصير

الغلا اللي ما تزعزعه اهجره

دام قلبك لا يجار ولا يجير

شوف لك رجل(ن) بليد استحقره

واجد اللي يعشقون بلا ضمير

بس انا لو جبت لي مية مره

ما تحرك فيّ شعره لو تطــــير



\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\

°l||l°• مــاتــشــوف شــر•°l||l°

لاباس أنا يالغاليه قلتها لك
من قلب يخلص لك يحبك ويغليك
ياليتني كنت المنوّم بدالك
وليت المرض يابنت فيني ولا فيك


\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\

°l||l°• الكــذب خيبـــة•°l||l°

روحي وهالمرّه خلاص لاتردين
هذا الفراق وروحةٍ دون رده
الكذب خيبه ماعرفتي تحبين
ما أنتي من يستحق المودّه
ماتعرفين الحب والعطف واللّين
ولا عاد في قلبي على الحب شده

\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\


°l||l°•صــوت الفنــاجيــل •°l||l°

ياحبيبي لاتواعد مواعيد وتغيب
دامك تقول المواعيد من غير شهوه
والله إني من عرفتك وسميتك حبيب
أسمع بصوت الفناجيل وماشفت قهوه




\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\


°l||l°•أربـــــع جـــهــات•°l||l°

يالحبيبه خفوقي مايبيك ويبيك
أشــهد أنك حبـــــيبه غير كل البــــنات
وين ما ألد وجهي بالطريق التقيك
صرت أخيلك واشوفك في جميع الجهات


\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\

°l||l°•ملــــعون أبـو العـــشق•°l||l°

ملعون أبو العشق دام العشق دلّعها
لاصارت البنت تامرنا وتنهينا
تجزم على الراي والكلمه وتقطعها
وحنا الرياجيل لارحنا ولا جينا


\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\

°l||l°•لــولا العــقل•°l||l°

إستحيت ورحت بالخطوه وراي
يوم شفته من بعيد يكلّمك
والله إن لولا العقل توّه معاي
كنت أعرف أعلّمه وأعلّمك


\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/ \/\/\/\/\/\/\

°l||l°• تـــزعلين وتقعــدين•°l||l°

عافت الشمس المدينة وأعلنت وقت الزوال
رغبةٍ للنوم منها مع عيون الناعسين

أبعدت من يوم شافت بالسما ضيّ الهلال
كنّها كانت تهزّا بالهلال وتستهين

كفكفت صبح التلاقي من ورا روس الجبال
واستخارتني وراحت وابعدت عن كل عين

وانتي أخطيتي خطاها وانعزلتي بالوصال
ولا رحلتي من سكات ولا وعدتيني تجين

عشت عمري بالمحبة في سبيل الاحتمال
وانتي تعيشين عمرك تفرحين وتجرحين

من غرورك في جمالك ما عطيتيني مجال
وأدري إنك تفهميني لو بغيتي تفهمين

كيف أشوف الشمس تشرق بالسما وانت ظلال ؟
ومن يعيش بوسط غارٍ للذياب الجايعين ؟

كنت أحسب الكره زايل والجفا لو طال زال
ولا بديتي بالغرام ولا بقى فيني حنين

أشهد إني ما خطيت ولا نويت الانعزال
وما خدعتك في غرامي لين شفتك تخدعين

اصدقي بالوعد مرة لي ولو فيها سؤال
من عرفتك ما أذكر إنك توعدين وتصدقين

كنت أشوفك من عيونك تأمرين أقوى الرجال
والله إني قبل أعرفك ما هقيتك تخضعين

كنت أشوفك تبعدين وقلت من باب الدلال
وإن بعدتي عن عيوني قلت باكر ترجعين

كنتي أكثر في عيوني من عدد وبل الخيال
وين أنا ما الد وجهي كنت أشوفك تضحكين

وإن بغيت أصد عنك من يمين ومن شمال
ما قوت عيني تلفّت لا شمال ولا يمين

عاشقٍ والعشق بلوى وأشهد إن الحال حال
ولا تركتي رحمة الله ولا عرفتي ترحمين

وأدري إنك في غرامي للأسف نلتي منال
افترقنا في دقايق والسبب لعنة لعين

حبك أشبه في غرامي بالوصال الانفصال
ويلعب الخفاق لعبة كبرياء الخاضعين

بالهوى ماهي غريبة نكبة عيال الحلال
ولاني أول من يصون ولا انتي آخر من يهين

الصداقة في عيون الناس منفى للعدال
وكان ردّت للصراحة كلبونا مذنبين

المحبة شبه زالت والصداقة لاتزال
بس أببقى في عيونك ( حامد ) اللي تعرفين

علّميها يا قصيدة واضربي فيني مثال
عرفيها بالبداوة في طباع الأولين

علّميها كيف نصنع صبرنا والاحتمال
علّميها كيف نفلح بالعمل دنيا ودين

علّميها في سوالف حلّنا والارتحال
علّميها كيف نظهر جورنا للجايرين

علّميها يا دقايق ، علّميها يا ليال
علّميها يا عصور وعلّميها يا سنين

إن عشقنا ما بغينا غير عشقٍ بالحلال
وإن نوينا ما لفينا كود ناس طيبين

كاملينٍ في عطانا بس لله الكمال
والرجل فينا غرامه لو يعين ويستعين

ابدويٍ ما يقوده للردّى شد الحبال
يعسف اليدّ الشحيحة للعطا حتى تلين

همنا فعل الرجولة رمزنا لبس العقال
وانتي المكياج كله صار في وجهك سجين

عندك المكياج موضة تحسبين إنه جمال
صار همك في حياتك تكشخين وتطلعين

والا أنا قلبي بقى لي بالمحبة راس مال
والله اللي مبتليني بالهوى والله يعين

إن بغيت أعشق أبالقى كثر حبّات الرمال
لكن انتي لو بغيتي صعب مثلي تعشقين

قلت لك كل الصراحة وأختم أطراف الجدال
وإن زعلتي من كلامي تزعلين وتقعدين


//

\\

//

يتـــبــع

[أكليـل آلـورد]

°l||l°•المــبــاني•°l||l°

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قلي:لاتعيده

عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟

لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحة العمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صد لعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريده

تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده

والله أنك لو وصلت البيت متأخر ثواني
مالقيت إلا بقايا من حصاه ومن حديده


/\/\/\/\/\/\/\/\/\/\/\/\/\/\/\/\/\/\/\/\/\/\/\/


°l||l°•حــد علمــي •°l||l°

حد علمي بالغلا يوم كنت أسوى كثير
يوم كانت ضحكتي طبع وعنادي سمه



وحد علمي بالغلا يوم خفاقي ضرير
قبل أهدم العشق وأبنيه وأرجع وهدمه



وحد علمي بالبكاء يوم لي قلب وضمير
قبل أشوف المسلم يموت بيد المسلمه



إيه عدّت من يدي بس ماعدّت بخير
ليلةٍ عيّت تجيني وجتني مظلمه



من عرفت إحساسها كن في قلبي نذير
والنهار المكتئب باين ٍ من مقدمه



ليلةٍ حسيتها لاتجور ولاتجير
مثل طفل ٍ ماحقرته وعيّت إحشمه



وأصبحت مثل شعره وأقصمت ظهر البعير
وأبتدى في موته الجرح من حيث إختمه



صارلي بالعشق مالا هقيت أنه يصير
أنظلمت بعشرت أنسان ماكنت إظلمه



العشير اللي تبرى من ضلوع العشير
الحلا عزّز خطاياه والحظ إخدمه



لاتبسّم يكسر النور بعيون البصير
وكن شمس المغربيه تبات إبمبسمه



معتدل في قامته لاطويل ولا قصير
ممتلي بالزين من معصمه لي معصمه



فيه بلوان الهدب لون غير ولون غير
مثل ما للرمش بالعين قصه مبهمه



كنها نكس البيارق على شط وغدير
ومثل لملمت الشتات بشتات اللملمه



مع سواد مجدّل ٍ مايثور إلا يثير
كنه اللي ينهم الريح ثم ٍ تنهمه



ماتجمع لين قيّد حرير ٍ مع حرير
في ضلام ٍ علّم الليل مالم يعلمه



ماهقيت إن الهدب صلف وأجفانه تغير
لين سلهم لعنبوا جد ذيك السلّهمه



ماعتقني لين ساق البشاير للبشير
يوم صد وجاه قلبي بشحمه ولحمه



والله إنه حط قلبي تحت رحمت شطير
في يديه وكل ماراد يقسمه قسمه



ياعساني ماعدم إرضاه في برد وهجير
ولوعدمت مروّته ياعساني معدمه



إن طلب عيني رضا قلت ماغيره نظير
وأنشرب دمي غضب قلت يستاهل فمه



واهنيّه يرقد الليل مرقاد الغرير
كن نومه لابغى يهزم الجفن إهزمه



وإلنا من صفرة عصير الى صفرة عصير
والسّهر يايلزم العين وإلا تلزمه



لو صحيح إن الحبيبين يجمعه مصير
كان نفس اللي حرمني من النوم إحرمه



والله إن مروّتي ولّعت فيني سعير
يوم شفته تل قلبي وداسه بقدمه



مارحم زهرة شبابي وأنا توّي صغير
لين ضيّق خاطري ضيّق الله إنسمه


إيه عدّت من يدي بس ماعدّت بخير
ليلةٍ عيّت تجي بس جتني مضلمه



حد علمي في عناها عذاب وزمهرير
يوم قمت أوحي بالاضلاع صوت وهمهمه



وحد علمي بالرجا من نصير اليا نصير
يوم شفت النّفس تذبح وهي مستسلمه



وحد علمي بالبكا يوم لي قلب وضمير
قبل أشوف المسلم يموت بيد المسلمه



/\/\/\/\/\/\/\/\/\/\/\/\/\/\/\/\/\/\/\/\/\/\/\/

°l||l°•ثــامن السبــع العجـايب •°l||l°


اسمعي والكل منا له هواه وله ميوله
لاتمسين بكلامك شعره بروس القرايب



ان حكيتي ما وفيت وان تحديتي عجوله
تحسبين ان كل فعل ٍ تفعله يمناك صايب



تحسبين انك خذيتي بالحش صولة وجولة
تحسبين اني ذكرتك مع نسانيس الهبايب



والله انك لو ذبحتي خافقي لألقاك حوله
عاشقة تشقي بقلب من طريق العشق هايب



كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب



ادعيت انك خجولة وادري ان ما انتي خجولة
وادري انك تخجلين الشمس من فوق السحايب



مايحببني بقلبك ياالهنوف الا فضوله
ولا ينسيني غرامك غير تكرار المصايب



عاشقة جيتي ورحتي يالحبيبه يالعذوله
لابنيتي لي طموح ولا تركتيها خرايب



تستبيحين القلوب وتستحقين البطولة
واستحق اعيش بعدك تايب واموت تايب



ياكثر ماشال قلبي شي اكبر من حموله
ولا عفيتي عن غلاه ولابخل لك بالوهايب



كنه ارحم من همال المزن للزهر بذبوله
وانتي اقسى من هجير القيظ وسموم اللهايب



وانتي ادرى في غلاك بداخلي ش اللي يزوله
وادخلي على الله واحفظي ذيك السبايب



ماخبرت اللحظة اللي حللت قربك تحوله
ولا هقيت اني بشدد للجفا قلب وركايب



ولاهقيت انك تحبين الزلل وانتي جفوله
ولاهقيتك تكرهيني كثر حبك للطلايب



كن قلبي في وصالك وابل ٍلحظة نزوله
وفي فراقك مثل دمعة تنحدر من عين شايب



كنت ابي وقفت حبيبه تنهض القلب بخموله
طامح بالعشق وانتي عايبه والحظ عايب



كنت ابيع الكون واشتري خافقك وظلال زوله
كنت اثور اليا وطيتي بالقدم شهب الترايب



كنت قصن كل كفي غير كفك مايطوله
كنت قلب ودمعتين ودرب وجروح عطايب



كنت ابيع العمر كله ورخصه عرضه وطوله
للعيون الي هدبها ثامن السبع العجايب



بس ابرضي لك غرورك واكسر القلب بذهوله
وقتها ماكنت افكر صايب او كنت خايب



والرجل لو ماتحلى بالشهامه والرجولة
صدقيني صعب يقدر يملك قلوب الحبايب



صدقيني مايوالف خافق البنت بسهوله
بالهوى يابنت حواء غير طلاب النشايب



والسهر والعشق الاول والهوى واللي ينوله
شي اقسى من همومك والعنه حاضر وغايب



والهموم اللي دعتني من بعد سن الطفولة
كلها ( من تحت راس العشق ) ملعون الصلايب


/\/\/\/\/\/\/\/\/\/\/\/\/\/\/\/\/\/\/\/\/\/\/\/

°l||l°•الشعــراء•°l||l°

مابقى الا سود الايام تحرمك الرقاد
كيف الاوهام اتجرأ اتسريك مغبون



من متى تجزع من الدمع وتخاف البعاد؟
من متى تقفي بك ظنون وتجيبك ظنون؟




صرت تاخذ كذبتي صدق، ومزاحي وكاد
لو بقول اني بخونك تحسب اني بخون




ماتعرف ان كل شاعر يهيم بكل واد؟
وانهم دايم يقولون مالا يفعلون؟



ابك انا لاقلت ابنساك وانكرت الوداد
والله اني مانسيتك وولاهم يحزنون




من جزع من صفعة الشمس يطمع بالبراد
ومن فقد وجهاته الخمس يلقى بك ركون




اعتبرها هفوة انسان او كبوة جواد
لو بتسمح فانت غالي ولو تجرح تمون




عد صداتك مروة وطعناتك ضماد
خلهن لاراحن طعون ولا ردن طعون




خنجرك يستاهل الطعن ومتوني شداد
ومنك يازين الخناجر ويا بخت المتون




ردلي حنية المزح باحساس الجماد
خلنا واحد يجي صلب والثاني حنون




موت فيني واندفن فيك بثياب الحداد
وان حييت أموت لرضاك واحيا بك بهون




مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون




ادري ان شجونك شجون واعنادك عناد
والبلا ان عنادك عناد وشجونك شجون




ربك اللي سخرك لي تقود وما تقاد
والله الخالق ولله في خلقه شؤون




ازرع ضلوعي من رضاك وابشر بالحصاد
لعنبو من جيت ترضيه وترد امحزون




بس تسوالك بلد ؟ قول تسوالك بلاد
انت كل العالم بكون ولحالك بكون




مابعد محبتك حب ومرادك مراد
غير كونك سيد حشاي تدري من تكون ؟




نعمتين اختصوا الخلق من جود الجواد
كافل الأرزاق من حيث مالا تعلمون




البنون ونعمة المال بعيون العباد
زينة الدنيا بلا شك في كل العيون




مثل زينة دنيتي بس عندي شي زاد
من عرفتك صاروا المال وانت والبنون




انتشي بك نشوة التيه لعناق الرشاد
وافزع الك فزعة القرم لشهاب الزبون




واحصنك تحصين الأرزاق عن درب الفساد
واعشقك عشق المظاليم لفراق السجون




لو تزيد الشوق جمرة تحولني رماد
لو يزيد العشق شعرة بوصل للجنون




خل هقواتك كبيرة ونظراتك بعاد
كانك انت بكبرك تهون من اللي ما يهون ؟




ازعلك وارهن حياتي تحت رحمة زناد
تهبى لا والله الا انت والموت تهبون




عاد اذا ما ارضاك هرجي ولا اللي قلت فاد
اننا لله وانا اليه راجعون




وانت باكر بتعرف على ناس جداد
والكلام يجيك من كل شكل وكل لون




لاتحسب ان كل كلمة بتسمعها وكاد
ولا تصدق هرج شاعر وتخدعك الظنون




دايم اعرف كل شاعر يهيم بكل واد
وان هم دايم يقولون ما لا يفعلون




حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون


/\/\/\/\/\/\/\/\/\/\/\/\/\/\/\/\/\/\/\/\/\/\/\/

°l||l°•غــرام أحبــاب•°l||l°

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني


لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني


صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني


عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني


أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني


رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني


تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني


تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني


وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني


ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني


أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني


زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني


غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني


أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني


سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني


عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني


أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني


وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني


وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني


ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني


أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني


ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني


ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني

/\/\/\/\/\/\/\/\/\/\/\/\/\/\/\/\/\/\/\/\/\/\/\/


°l||l°•رد الســـؤال•°l||l°

انتبهت لدمعها بالهدب والكحل سال
لين جفت عينها دمع والقاع ارتوى



وابتدت لحضة جفا ونتهت لحضة وصال
وأنطفى نور السعادة واحسب انه ضوى



ما اكتفيت من الهوى والغرام أربع ليال
واقفت أيام التلاقي وجا وقت النوى



كنت ابلسى وابتسم والتفت عنها شمال
لا قويت الصد عنها ولا قلبي قوى



ما هقيت ان الهوى عذب قلوب الرجال
لين ضاع القلب مني وتفكيري سوى



رحت أدور دفوة الشمس ضيعت الضلال
جيت اطفي شعلة النار والقلب انكوى



ماهقيت ان السعادة خيال في خيال
تروى قلوب الحبايب وقلبي ما روى



كنت ابشتال الهوى والهوى ثقل الجبال
وان تحملت الجبل ما تحملت الهوى



كنت ابسلى بالهوى والهوى صعب ال