عزاي للحب الي طعنتيه

[نزف المشاعر]

الله يرحم حبنا اللي قتلتـــــيه,,,,,,جفت دموعي والبقا في حيــاتك
ياللاسف كل الاسف مابكيتيه,,,,,,انتي الغرور اعماك مع حب ذاتك
انتي بديتي الحب وانتي نهيتيه,,,,,,اقري عليه الفاتحه في صـــــلاتك
مرة لبستي الحب مره فصختيه,,,,,,هذا الهوا لاتحسبينه عبــــــــاتك


:::::::::::::::::::::::::::::::::::::::::::::::::: ::::

قررت انا هجرك وقررت انســـاك,,,,,,وسديت باب كنت لك هو بنـــيته
ماني بمثل اول احبك واهــــــواك,,,,,,ليت حبي مات من قبل ليتـــــــه
خلك تحسف موت من حر ماجاك,,,,,,ياواحسافه على حبي اللي عطيته


:::::::::::::::::::::::::::::::::::::::::::::::::: ::::

مركون بين البحر والبيت وحداني,,,,,,ابني لروحي أمل وجروحي ا تهده
وامر قبل الغروب ارتب احزاني,,,,,,اطوي شراع الهوى وانوح وامـــده
لايابحر منهو اللي ناسي الثانــي,,,,,,انا او اللي هجر شاطيك من مـــــده



:::::::::::::::::::::::::::::::::::::::::::::::::: ::::

رحتي وفكري راح يابنت محتار,,,,,,بين الرجاء والخوف طال انتظاري
الصمت يصلاني على واهج النار,,,,,,يسري بتفكيري لبعض الطواري
ماعاد لي قدرة على كتم الاسرار,,,,,,سري كشفته واصبح اليوم عاري
وسلامتكم

[بنت ابوي]

صح لساااانك...

يعطيك العااااااافيه اخوي قصيدة من جد قووووووويه و روعه...

[رويال]

صح لسانك اخوي نزف وماقصرت وننتظر جديدك

[نزف المشاعر]

مشكوره أختي بنت وأخوي عفناك علي مروركم وأنشاء الله بقدم لكم كل ماهو جديد

[alsltan]

http://www.3e6r.net/data/media/20/barra_06.gif

http://www.3e6r.net/data/media/19/jewelst-r7eb1.gif

صح السانك اخوي

ومشكور عالقصيدة الرائعة

ننتظر جديدك دائما



http://www.3e6r.net/data/media/20/barra_06.gif

[نزف المشاعر]

مشكور أخوي السلطان ةيعطيك ألف عافيه علي ردك أخوي