KSA4EVER2006
02-03-2006, 12:34 AM
قلت الحلا قالت مع الناس من قدي
انشــــهد انه بالحــلا زاهيٍ قـــده
ياعين منهو من المــراقيب منهدي
موحش وحش راع الولع مابعد هده
بنت الذي اليا طلب شيءمايردي
والجـد يوم الخيل يثني لها الرده
من لابتٍ يوم الغرابيل والكـدي
هم متعبين الخيل والسيف بالكده
اعد زينه وبالغلط يختلف عدي
ملحٍ وزين ووصفها يخلف العده
اقبل تعال لخافقي ياخلف جدي
القلب يصفًق بالتراحيب من جده
بيحت ياكل الغلا خافي الســدي
لاصار بيـبان المواصيل منسده
شفني طريح من الهوى واصلٍ حدي
ذبحتــني بمصــقلٍ شــاطرٍ حــده
لك منزلٍ صوب المجرات متعدي
مر وتعـدى نجمـة سهيل ماعده
جتك الحروف مصيغها خافق مودي
قلبٍ يعمًر لك مرابيع من وده
انشــــهد انه بالحــلا زاهيٍ قـــده
ياعين منهو من المــراقيب منهدي
موحش وحش راع الولع مابعد هده
بنت الذي اليا طلب شيءمايردي
والجـد يوم الخيل يثني لها الرده
من لابتٍ يوم الغرابيل والكـدي
هم متعبين الخيل والسيف بالكده
اعد زينه وبالغلط يختلف عدي
ملحٍ وزين ووصفها يخلف العده
اقبل تعال لخافقي ياخلف جدي
القلب يصفًق بالتراحيب من جده
بيحت ياكل الغلا خافي الســدي
لاصار بيـبان المواصيل منسده
شفني طريح من الهوى واصلٍ حدي
ذبحتــني بمصــقلٍ شــاطرٍ حــده
لك منزلٍ صوب المجرات متعدي
مر وتعـدى نجمـة سهيل ماعده
جتك الحروف مصيغها خافق مودي
قلبٍ يعمًر لك مرابيع من وده