=\= كأن الضيق روّض طلّتك ترويض ! =\=

[мя ғαωαz]

صباح العيــد
وكل عام والجميع بخير



افا .. ياعيـد .. ماهي شيمـه أجواءك
حسبتك تنزع الحزن .. وغيومك بيض
لفيت وخافتـه بالحيل أضواءك !
كأن الضيق روّض طلّتك ترويض !

،،

من الزحمه .. نسيت ان الفرح به عيد
هو الشغل / وهموم الناس / وأحوالي
طلعت من الرتابه .. أنوي التجديد
لقيت هموم عيدي .. قاطعه أوصالي

،،

تدرين !
صبح العيد ينطر صباحك
لو تصبحين الناس تصبح على العيد !

،،

لطيفه كلمتك تدري ؟
ومنها جد
فرحت كثير
حزنت كثير
نزفت كثير
[ عسى ينعاد عيدك خير ]
وأنا مابيه دونك .. أنت
قبل ينعاد دونك .. مت
فلا تدعي أبد .. لاهنت
لأني دون أعيادك
عساني ما أكون بخير !!

،،

هلا بـ مرسالك الغالي .. وأبياته
وكل عامٍ وأنت / وحبي لك بخير

،،

ياللي تقولون انها ليله العيـد ؟
أنا غيابـه جايب العيد فيني !!
وش هي ؟ حلاواته .. وكل المواعيد ؟
العيد يعني : دمعةٍ وسط عيني !
حطّم بعادهـ شهوتي لأي تجديد
ولعنت ساعه نقش حنّـا يديني !!

،،

دندن جهازي .. واستلمنـا الرسالـه
وياقـــل ملح أسماء كل العزيزين ؟
لاهان عندي قدرهم .. بس حااااااله !!
أنا وجهازي ويـن والتهنئه ويــن ؟؟

،،

يا ( جَــوْ ) لبـى وقتنا الأولاني !
يوم اللقى والحب واللعب يا جَــوْ
طرى على بالي وسقت الأماني !
ياكنها لحظـات مرتني التــــــوْ
لو يسقي الاحساس دمعي رواني
أصلاً اذا بي طب ماقلت أنا ( لـو ) !

،،

قدمت له قلبي ، وكلـي عطايـا
ماقلت لكن ، ما اخبرني ترددت
جيتـه على رجلي بليّـا مطايــا
هممت له بالشوق لا ماتعاجزت !
الغالي اللي يوم يجلس معايـا
عن كل شيٍ لجل [ عينـه ] تنازلت

،،

[romio-ksa]

مشكورعلى الابداع

تقبل مروري اخوك romio-ksa


وكل عام وانت بخير

[мя ғαωαz]

حياكـ اللهـ اخوي روميو

وشكرا على هذا المرور الرائع :)

[عديل الروح]

الف شكر اخوي الغالي


و احلى تقيم ,,


يعطيك العافية وما قصرت


تحياتي

[мя ғαωαz]

حياكـ اللهـ اخوي ..

وشكرا على المرور الرائع :)

وكان ودي اقيمكــ

لكن طلعت لي الرسالة هذيكــ :(