(( الزواج ام الدراسة ايهما في صالح الفتاة ؟؟؟ ))

[السحاب22]

السلام عليكم ورحمة الله وبركاته


(( الزواج ام الدراسة ايهما في صالح الفتاة ؟؟؟ ))

اخي الكريم اختي الكريمة...


الكثير من العوائل ترفض تزويج بناتها فى مرحلة الدراسه
فالدراسه أولا ومن ثم الزواج ..هل وجهة نظرهم صحيحه ؟؟


أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟

هل الشهاده الدراسيه اكثر ضمانا لمستقبل الفتاه من الزواج ؟؟


هل الزواج فى سن مبكره السبب لحالات الطلاق حيث يكون الزوجان
غير مهيئين لتحمل المسؤليه وحل المشاكل ، كذلك إنشغال الفتاه فى الدراسه قد يلهيها عن واجباتها تجاه زوجها وبيتها
فيحدث الإنفصال من أول مشكله أو خلاف..؟؟
فما هى وجهة نظركم ؟

اتمنى ان ارى مداخلات من الجنسين حول هذا الموضوع المهم في المجتمع .

لكم مني كل الود

[غـــــلا]

بصراحه اختي اشكر لك طرحك

من واقع تجربه اتمنى اني افيدك...الدراسه في نظري مهمه للفتاة من جهات عده أمان لمستقبلها زياده لوعيها الثقافي وتفيد ابناءها في المستقبل ...


غير كذا اذا اتفقت مع زوجها ماحتسبب لها اي خلاف لان الاتفاق اهم شي يحل اي مشكله

انا اخواتي جميعهم تزوجو وهم بالصف الثالث متوسط كملو دراستهم وتخرجو وعندهم عيال وعادي مكملين حباتهم

وانا انشاء الله سنه واتخرج والحمدلله صح صعبه شوي بس الاصرار مهم حتى تحققي مبتغاك وطموحك


دمتي بود اختي

[{.. مُـحَـمّــدْ ..}]

آلـلــي أشــوفــه إن آلــزوآج أفــضـل لــهـآ


لأن آلــزوج هـــو آلـلــي رآح يــصـرف عـآلــبـيـــت


وإذآ كــمـلـت درآســتـهـآ نــهـآيــتـهـآ فــي بــيـت زوجــهـآ بــمـعـنـى مــآ رآح تــسـتــفـيـد شــيء مــن درآســتـهـآ



هــــذي وجــهـة نـــظـري





ودمــــتــم

[أحب وخاطري حساس]

اانا اخالـــــــــــالـــــف محــمــــد

طبعا الدراســــــــــــــــــــه اهـــــــــــــم .... لاحقه على الزواج

[نوكيو]

انا بنظري دراستها اهم من زواجها

لاحقه على الزواج

يمديها تخلص وتتزوج ...

يعطيك العافيه

[السحاب22]

باللنسبة لوجهة نظري الخاصه

الدراسة لان لا شئ يساوي او يعادل الدراسة والمستقبل


واذا كانت تقدر توافق مابين الدراسه والزواج عادي تتزراج


أشكر مرور الجميع ومناقتشه معى فى هذه القضية

وننتظر آراء أخرى

وشكرا لكم

خالص حبي وتقديري

ودمتم بخير

[{.. مُـحَـمّــدْ ..}]

اانا اخالـــــــــــالـــــف محــمــــد

طبعا الدراســــــــــــــــــــه اهـــــــــــــم .... لاحقه على الزواج


أنــــآ آلـلـــي أقــصـده إنــهـآ تـخــلــص درآســتـهـآ { آلـــثـآنـــويــة }


وتــتــــزوج مـــو تـــكــمـل آلــجــآمــعـــة وبــعــديـــن تــشـتـــغــل



وبــعــديـــن تــتـزوج



بــهــذآ آلـــوقــت تـــكـــون عــــنــســت




وهـــذآ رأيــــي

[عآلي سمـآهـآ]

طبعا الدراسه ...


كثير بنات تزوجوا بدون لايكملون دراسه وماقدروا يعيشوا حياه سعيدهـ



العلم والدراسه هم اللي يخلو الانسان يقدر يتصرف في مواقف معينه



أما قصه انها تشتغل فهذا مش ضروري ..



يعني تغلق جامعه بعد كذا الله يسهلها



<< العلم يرفع بيوتا لآ عماد لها @@@ والجهل يهدم بيوت العز والكرم



وفي النهايه تبقى وجهة نظر .. مو كل الناس وجهة نظرهم واحدهـ


تشكر111111111111111ت يالغلا على الموضوع الرائع

[غراآاآاآم]

الف شكر ع الموضوع
الدراسه اهم شي ..حياتها ومستقبلها واقف ع الدراسه

بدراستها تقدر تمشي حياتها وتشتغل او انو تكون حاجا مهمه
ف المجتمع مو ع هامش الحياة تقعد ف البيت وتجيب عيال وتطبخ..

الحياه اكتر من كذا ,
بعدييييييييييييييييييييين تبغا تتزوج تتزوج اش يردها..

شكرا مرة تانيا ع الموضوع
تحياتي::
غرام

[أكليـل آلـورد]

مسـآء الـورد

من وجهه نظـري

اذا جـا خـآطب مـاعليـه كـلآمـ .. تتـزوج وتكمـل دراستهــآآ

دمتــمـ بـود

[السحاب22]

يعطيكم الف عافيه على مروركم

وتفاعلكم مع الموضوع

ننتظــر اراء اخـــرى

ودمتم بخير

[شقاوة مكبوتة]

انا من وجه نظري ان الزواج اهم عشر الالف المرات من الوظيفة والدراسه لانها وظيفة المراة الاساسية اما طلب الرزق فهو مسؤلية الرجل اما من ناحية الدراسة فيعتمد على شريك العمر اذ كان متعاون اعتقد بتكون اصابت عصفورين بحجر واحد اما اذا مادرست ماراح تخسر كثير لان عندها زوج وعيال

واحسن الف مرة من بنات درسوااا واللحين على دكة الاحتياط يعني لاطالوا بلح الشام ولا عنب اليمن

وهذا رايي بكل جدية وصرااااحة واللة يوفق شباب وشابات المسلمين ياررررررررب

[الفتى الشقي]

من وجهة نظري
انو تكمل درستها احسن,,,,
الزواج لاحقه عليه,,,,,
وانا من وجهة نظري الزواج في سن مبكر ماينفع
لانو البنت متقدر تقوم بالبيت والمدرسه واكيييد واحد منه بيفشل,,,


تقبلو تحياتي,,,

[السحاب22]

شاكره لك مرورك الطيب

واتمنــــــــى اعرف وجهة نظر جميع

اعضــــاء منتدنــــــــا

ودمتم بود

[{.. مُـحَـمّــدْ ..}]

انا من وجه نظري ان الزواج اهم عشر الالف المرات من الوظيفة والدراسه لانها وظيفة المراة الاساسية اما طلب الرزق فهو مسؤلية الرجل اما من ناحية الدراسة فيعتمد على شريك العمر اذ كان متعاون اعتقد بتكون اصابت عصفورين بحجر واحد اما اذا مادرست ماراح تخسر كثير لان عندها زوج وعيال

واحسن الف مرة من بنات درسوااا واللحين على دكة الاحتياط يعني لاطالوا بلح الشام ولا عنب اليمن

وهذا رايي بكل جدية وصرااااحة واللة يوفق شباب وشابات المسلمين ياررررررررب


هـــذآ آلـــلــــي أتــكـلـــم عـــنـه مـــن بــــدري



وهــــذي وجـــهـة نـــظـري مـــثـل مـآقـــآل أخـــــوي


إحـــتـمـآل تــكـــون عــنـســـت إذآ خـــلـصـــت درآســتـهـآ وجــــآمعـــتــهـآ


ومــآ أحــــد بــــيـفـــكـر فـــيـهـآ بـــعـــديــــن




وتحــــيـآتـــي

[السحاب22]

اخـــــوي M O H a m M A D ابغى اوضح

لك معلومه البنت في سن 22 او 23 تكون خلصت من الدراسه الجامعيه

وهذا يكون انسب عمر للفتاه للزواج يعني ماعنست على قولكم

وبكذا تكون قد المسؤليه وتقدر تقوم بحقوق زوجها على اكمل وجه

مافي شيء يشغلها وهذي وجهة نظري

[الوفى طبعي]

طبعا الدراســــــــــــــــــــه اهـــــــــــــم .... لاحقه على الزواج

انا بصرا ا ا حهـ مع بنت خالتووووووووووووووووووو لاحقهـ على الغثى

:D :D :D

مدر ي أنا هذي وجهـ نظري وميغسي بكو خيتو و والسحاب :)

[السحاب22]

شاكرهـ لكـ خيتــــــــــو و و مرورك

ننتظـــــــــر اراء اخـــــرى

[node11]

الدراسه اولا بعدين الرجال
الدراسه سلاح لكل بنت

[الروح العذبه]

:shock:
:blush:

:cry:

بصراحه ترددت قبل ماارد
:shout:

تبون الصدق عني انااشوف الدراسه قبل كل شيء
اقل شهاده تاخذها الوحده الثانويه:angry2:

ابقول لكم شيء

انادرست اخر شيء ثالث متوسط و تزوجت وعمري 14 سنه وعندي عيال ماشاء الله
وعمري الحين 23 لا تستغربون
لكن انا فعلا عانيت عن جد موعارفه لحد الحين اشلون ادير بيتي واموري الشخصيه
لاني فعلا اتحملت مسؤليه انا مو قدها وثقيله بعض الشيء
وزوجي اذا طلبت منه شيء يقول لي عندك فلوس عشان اجيب لك :mad:
كانه يعاقبني على اني فضلته زوج على دراستي :(ابي اتوظف :gth
المشكله الي مزود الطين بله نظرة مجتمعي لي
ينظرون لي بعين الرأفه والشفقه :shutup[1]
لين صرت اشوف نفسي مسكينه :sad:
وعلى فكره اقول فعلا فعلا البنت محتاجه لدراستها عشان تقدر تلاقي لها وظيفه بعد الزواج
هذا اقل شيء

شيء محير:hh
من وجهة نظري
الرجال مايعجبهم العجب
تزوجها صغيره قال جاهله
تزوجها كبيره قال عانس
تزوجها موظفه قال ماابيها تطلع من البيت
تزوجها عاطله قال ماعندها فلوس
ويلي وش يبون هذولي::erha8:
اشكر الي كتب الموضوع جزيل الشكر
عن جد النت صار وسيله حليوه الواحد يبعد عن هموم الحياه شوي

[السحاب22]

يعطيك العـــــــــافيه اختي الروح العذبه

ولا يهمك الناس لا تفكري في كلامهم

ولافي نظرتهم الخاطئه هذا شيء مكتوب لك

وانت لحد الآن صغيره يعني اذا فيه امكانيه

تكملي دراستك انصحك انك تكمليها طبعآ

بموافقة زواجك

دمتي بخير اختك السحاب


ننتظـــــــــر مشاركات واراء اخرى

[بنت الهواشم]

اعتقد الزواج اهم- مع اقتناعي الشديدبااهميه الدراسه - لكن كثير ناس مو اخذين شهادات افضل بدرجات من الي جايبين دكتوراه التعليم تطور له اكثر من مصدر الصرح التعليمي مو المصدر الوحيد ولا المصدر الاهم بامكانها تثقف نفسها باالكتب الانترنت التلفزيون او تكمل انتساب-مع ان يكون الاوليه لحياتها الاسريه- اذا رفضت الزواج وكملت ووصلت لارقى الدرجات العلميه وش بتفيده هاالدرجات في مستقبلها لما تتقاعد ماعندها اولاد يحبونها ويبرونها يدعولها بعد موتها وبرضو خطا انها تتزوج بسن صغيرها .
هذا رائي واتمنى الكل يتقبلوا.

[*دمعة الاحزان*]

* . * صباح الورد * . *


انا من وجهة نظري انها تكمل الجامعة وبعدي تفكر بالزواج لان الشهاده اهم شي بالنسبه للفتاة المثقفة

وحتى تفخر بشهادتها عند اولادها ويقتدون بها

اذا تزوجة وكان فيه توافق عقلي وثقافي مابين الزوجين تكمل مشوارها بالوظيفة انفع لها بالوقت الحالي وبالمستقبل

مثلا ( لاقدر الله ) وصار فيه مشكلة مابينها هي وزوجها وادى ذالك للطلاق وهي مامعها الجامعة

فيه وظيفه تقبلها؟؟

مااظن..

هل من الممكن انها تعيش طول عمرهاعلى منة احد؟؟

من المستحيل انها تتحمل ذلك خصوصاً اذا كان الشخص اللي عاليشه عنده مو ابوها مثل اخوانها

اوا ابوها عاجز

وهذا عكس اذا كان معها الجامعة

تقدر بعد الطلاق انها تقدم على وظيفة

وتكمل حياتها

.................................................. ....................

انا وجهة نظري السابقة مبنيه على اساس تجارب حقيقيه شاهدتها بحياتي

وحده من قرايبنا حصلها حالة طلاق وماانقذها من الموقف هذا الا شهادتها

فتحت بيت وعيشت بناتها احسن عيشه ودلال لانها عندها وظيفه

وكانت اعمارهن وحده 9 سنوات والثانيه7 سنوات والاب مايصرف عليهن

ولا حتى الواجب عليه واللي هيا النفقه (( من واجبات المطلق على اولاده ))

.................................................. ..............

ابغى اسئلكم..

لو الانسانه هاذي ماكملت دراستها وشلون كانت بتعيش بناتها؟؟

خصوصاً

ان اخوانها متزوجين ورواتبهم قليله وابوها متقاعد؟؟؟؟؟؟؟؟؟؟؟؟؟؟؟؟؟؟؟

.................................................

تقبلو تحياتي.

[السحاب22]

يعطيك العافيه بنت الهواشم ودمعة الاحزان


معـــــــاك حق اختي دمعة الاحزان

كيف بتقدر تصرف على نفسها اذا كان اهلها عاجزين خاصه ومعها اطفال

ننتــــــــــــــظر اراء الاعضاء

[sweet-girl]

السلام عليكم

انا في رأي تفضل تدرس لحد مايجيلها العريس :)

المهم توعي نفسها و تعرف كيف تربي اولادها :)

يسلمو على الموضوع

[السحاب22]

الله يسلمك sweet-girl

صحيح اهم حاجه توعي نفسها تعرف كيف تربي اولادها

ننتظر اراء اعضاء منتدنا

[عاشق جمالها]

الزواج أكييييييييييييييييييييييييد وللدراسة اهمية ايظا ولكن بإيش تنفع الدراسة لو مافي زواج

[رطريط]

انا رطروطة أقول ان بعض البنات اعرفهم تزوجوا في ثانية متوسط والحين عندها اولاد في الجامعة وهي رئيسة قسم أحياء ماشا الله واعرف بنات بعد ازواجهم كانوا حريصين أن زوجاتهم تكمل دراستهم بس في النهايه ارى ان الامر راجع لذكاء المرءة وتعاون الزوج بس بصراحة انا دائما من مشجعين زواج المراة بعد الدراسة لإن بصراحة الرجل الايام هذة بس يبغوا زوجتة تقابلة 24/24 وشكرا

[السحاب22]

حياكم الله الحربي22 و رطريط

وشاكره لكم تفاعلكم مع الموضوع

وكل وجهة نظر تعبر عن شخصية صاحبه

وننتظر مشاركات واراء اخرى