رسام العقيلي
06-20-2008, 08:46 PM
الجاهل اللي يرفع الصوت ويصيح
اللي يبى يارد على كـل حاضـي
يقول مامثلي على الأرض زحزيح
ويجيك بعلـومً طـوالً عراضـي
يبى يرد الريـح لاهبـت الريـح
ويبى يقاضي مير ماهوب قاضـي
خله يقوم شوي وشـوي ويطيـح
ماكل سيلً عن مجاريـه فاضـي
مانيب من يسمع كـلام المشافيـح
ومن الحيا عن مايقـول متغاضـي
وما آلد عيني للسحاب المراويـح
وش عاد لو برقه بعد راح ناضي
واللي يعرف العلم من دون توضيح
وجهه ِيعَد من الوجيـه البياضـي
وإن كان قول الصح يحتاج تصحيح
اقول لك مابه على الأرض قاضي
اللي يبى يارد على كـل حاضـي
يقول مامثلي على الأرض زحزيح
ويجيك بعلـومً طـوالً عراضـي
يبى يرد الريـح لاهبـت الريـح
ويبى يقاضي مير ماهوب قاضـي
خله يقوم شوي وشـوي ويطيـح
ماكل سيلً عن مجاريـه فاضـي
مانيب من يسمع كـلام المشافيـح
ومن الحيا عن مايقـول متغاضـي
وما آلد عيني للسحاب المراويـح
وش عاد لو برقه بعد راح ناضي
واللي يعرف العلم من دون توضيح
وجهه ِيعَد من الوجيـه البياضـي
وإن كان قول الصح يحتاج تصحيح
اقول لك مابه على الأرض قاضي